Асман Мамаджонов

ПАНДНОМА....

РӮДАИ ТАНГ БА ЯК НОНИ ТИҲӢ ПУР ГАРДАД,
НЕЪМАТИ РӮИ ЗАМИН ПУР НАКУНАД, ДИДАИ ТАНГ.

ПАНДИ БУЗУРГОН....

Даст бар сӯрох барӣ, аз заҳри мор андеша кун,
Пой дар гил мениҳӣ, аз захми хор андеша кун.
Чун шиновар нестӣ, по бар лаби дарё манеҳ,
Дар миёнаш ғарқ монӣ, аз канор андеша кун.
Душманат, гар пашша бошад, камтар аз филаш мадон,
Ин насиҳат бишнав, аз ман зинҳор андеша кун.
Пашша аз шабзиндадорӣ хуни мардум мехӯрад,
Зинҳор аз мардуми шабзиндадор андеша кун.
Сирри худ бо ёри худ ҳарчанд битвонӣ магӯй,
Ёрро ёре бувад, аз ёри ёр андеша кун.
Шамси Табрезӣ, туро ҷоме диҳад андеша дор,
Ҷомро дар каф бигиру аз хумор андеша кун.
Шамси Табрезӣ