Balakən Rayonunun Qaysa icmasında "İnkubator Sexinin Təşkili" layihəsinin Açılış Mərasimi XƏZƏRTVdə

Bu gün -- 06 May tarixi Balakən rayonundakı Qaysa icmasının xatirəsində xüsusi iz qoydu. İcmanın çoxdan gözlədiyi "İnkubator cücə sexinin təşkili" layihəsinin təntənəli açılışı oldu. 3 həftə bundan öncə inkubatora yumurta vermiş icma sakinləri böyük fərəhlə bu gün körpə cücələri öz həyətlərinə apardılar. Açılışda İkinci Azərbaycan Kənd İnvestisiya Layihəsinin Direktoru Sübhan Əsgərov və Balakən İH Başçısı İslam Rzayev iştirak etdilər və açılış lentini kəsdilər. Avar folklor qrupunun iştirakı ilə icmada böyük şənlik keçirildi - tədbir iştirakçılarını avar maxarası, cürbəcür milli xörəklər və təamlara qonaq etdilər.