АНДИЖОН ХОКИМИГА ҲАМДА ВАТАНДОШЛАРИМГА ОЧИК ХАТ

ПРЕЗИДЕНТГА, АНДИЖОН ХОКИМИГА ҲАМДА ВАТАНДОШЛАРИМГА ОЧИК ХАТ Ассалому алайкум, Шавкат Миромонович! Мен андижонлик Ибрагимов Салоҳиддинман. 2018 йилнинг 28 нуябирида Сизга иккинчи бор очик хат ёзмокдаман. Бундан деярли 3 ой аввал сизга ёзган очик хатим халқимиз учун фойдали бўлди, 5 йилдан тортиб 20 йилгача бўлган катта сув авариялари 15 кун ичида тўғирланди. Ўша авариялардан окиб кетаётган 1 кунлик сувнинг қиймати 10000000 сўмдан ортиқ эди. Ўзбекистон ичимлик суви муаммоларини ёритиш борасида Марказий Осиёда 1-ўринда туради. Ичимлик сувини шафқатсизларча исроф килишда эса дунёда энг юқори ўринларда туради, десам хато қилмаган бўламан. Очик хатим Сизга етиб бормаганлиги сабабли ҳали-ҳамон Ўзбекистонда сувга бўлган муносабат ачинарли ҳолатда. Ватанимга хизмат килиш ва изнинг шогирдингиз эканлигимни амалда исботлаб бериш мақсадида энг долзарб масала бўлган ичимлик сувидан оқилона фойдаланиш ва келажак авлодга етказиб бериш ишларида сизга ёрдам бермоқчиман. Бу ишга қарор қилганимнинг 3 та сабаби бор. 1-сабаби ҳар қандай неъматнинг қадрини билмаслик оқибатида ўша нарсага зориқиб қолишимизнинг эҳтимоли юқори даражада эканлигини яхши биламан. 2-сабаби олимларнинг ҳисоб-китобига қараганда ҳозирги кунда биз ўйламай-нетмай сарфлаётган ичимлик суви яқин йилларда энг қимматбаҳо неъматлардан бирига айланади, ичимлик суви учун яқин келажакда давлатлар ўртасида урушлар очилиши мумкинлиги ва дунёдаги умумий сув миқдорининг факат 1 фоизигина ичимлик суви эканлиги. Ҳисоб-китобларга қараганда, 2025-2030 йилларга келибоқ барча чучук сув ресурслари инсон фаолияти томонидан эгаллаб бўлинади, яъни сув хам экспорт-импортга айланиб сотила бошлайди. 2030-йилга келиб 500 миллионга яқин одам сув излаб қитъадан қитъага кўчиб юриши мумкинлиги. 3-сабаби сизнинг олиб бораётган ишларингизни диққат билан кузатаман, айнан ичимлик суви муаммоси сизни қийнаб келаётганлигини яхши биламан. 100 йилдан буён ичимлик суви етишмаслиги сабабли қийналиб келаётган ватандошларимиз бор. Аммо Ўзбекистонда ичимли суви етиб борган жой борки, оқилона фойдаланилмайди. Бирор вилоят мутасаддилари бизда сувдан окилона фойдаланилади деб айта олмайди. Сизнинг гапингизга кўшиламан, бизда сувнинг эгаси йўқ. Биз кўп муаммоларни аввал бир зиённи кўриб кейин бартараф этиш чораларини кўришга ўрганиб қолганмиз. 2030 йилларга бориб 1 литр сувни нархи 1 литр бензиннинг нархига тенглашиши мумкинлиги, балки бунданда қимматрок бўлиши мумкинлиги ҳақида тахмин қилинмоқда. Ўзбекистоннинг сувга бўлган эҳтиёжини Қирғизистон ва Тожикистон таъминлаб берябди. Аммо 2030 йилга бориб Қирғизистон ва Тожикистоннинг сувига харидор мамлакатлар ошиб боради. Табиийки, Ўзбекистонга сувни текинга бермайди. Ҳурматли Шавкат Миромонович, олтиндан қиммат оби ҳаётни исроф бўлмаслигига қарши кураш бошлаганимга ҳам 2 йилга яқинлашиб қолди. Сиз менга ваколат берсангиз, ватанимга виждонан хизмат қилмоқчиман. Сувдан оқилона фойдаланиш ва келажак авлодга етказиб бериш максадида ўзимни фикрларим ва режаларим бор. Бу борада сизга амалий ёрдам бера оламан, Аллоҳ хоҳласа. Она халқимнинг олдида сизга сўз бераман. Шу ўринда Андижон вилоят хокимига хам мурожаатим бор. Шуҳратбек Қўшоқбоевич, сиз билан 2017 йилнинг 12 августида сайёр қабул ўтказганингизда кўришганмиз. Тадбиркорлигимни ривожлантириш мақсадида сиздан ер сўраганман зудлик билан ҳал қилиб бергансиз, сизга ташаккур билдирганимизда менга эмас, Президентга ташаккурнома ёзиб беринглар, агар Президент менга буйруқ бермаганида сизлар билан кўришмаган бўлар эдим деган эдингиз. Менинг сизга яна бир илтимосим бор. Президент билан учрашишимга ёрдам беринг рухсат беринг. Президентимиз сўнгги бор Андижонга ташриф буюрганларида чақирилмаган меҳмон сифатида Олтинкўл тумани ҳокимиятида эдим. Давлат раҳбарининг суҳбатларидан жонли равишда баҳраманд бўлдим. Бир сўзи қулоғимда ҳали-ҳамон янграйди. “Менга виждонли қадрлар керак, ўқимаган бўлса ҳам, ўзим ўқитаман”, деган эди. Мен Андижонга ва Ўзбекистонга виждонан хизмат килмоқчиман. Сувга шавкатсизларча муносабат Андижоннинг ўзида эмас, Ўзбекистон бўйлаб бир хил, мен буни аниқладим. Ҳокимиятдагилар мени яхши танийди, чақиртирсангиз бораман ёки 3-4 кун ичида сизнинг олдингизга ўзим бораман. Ўзбекистон халкига мурожаат Ассаллому алайкум, ватандошларим. Яқинда 5-6 нафар инсоннинг сувга мажбуран туширилган сурати шиддат билан тарқалди ва Президентга 2 кун ичида етиб борди. Агар кимнидир мажбуран сувга тушиши сизларни кўпроқ қизиктирса, менинг виждоним сувга тушишга мажбурлаяпти. Ватаним учун жонимни беришга тайёрман, илтимос, етказинглар юртбошимга. Энг катта хавф ички душман, ким ички душман бефарк инсон ички душман.