Левая колонка

Ш. Д.

Последний визит: 9 мар 2024

Фильтр

Ё биё аз дил ғубору дарди ҳиҷрон пок кун,
Ё ба неши тори абрӯят диламро чок кун.

Ё сарам аз шавқу шӯри ишқ то кайҳон бубар,
Ё тани озурда аз ғамро ба зери хок кун.

Ё кафан пӯшон бар қалби шаҳиди роҳи ишқ,
Ё фиғоне аз дили пурдард то афлок кун.

Ё ки эҳё соз қалби мурдаам бо шаҳди ишқ,
Ё бирезон дардҳояшро, варо бебок кун.

Ё ҳама дам аз сари қабрам гузар кун баъди ман,
Ёки атри худ ба гуристон ба ҳар хошок кун.

Ё гуле биншон к-аз ӯ ояд ба қабрам бӯйи ту
З-он гуле бӯи туро дорад ба ман тарёк кун.

Ҳарчӣ мехоҳи бикун ёди хушат аз ман нагир,
Хоки ман бо ёди неки хештан зархок кун.
Ғайратҷон Ҳотамӣ

Ш. Д.

14 июл 2023

Хирадманд бош!

Зиндагӣ монанди дарё пурталотум будааст,
Сози золим будаасту сӯзи мазлум будааст.
Ҳар-ки доро,бар дилу бар дида дорад ҷойи хос,
Ҳар-ки нодор,бар дилу бар дидаҳо шум будааст.
Ҳар касе,ки раҳнамо дорад ба манзил мерасад,
Ҳар каси бераҳнамо сарсону раҳгум будааст.
Ҳар касе бечораву дар ҷустуҷӯи чора аст,
Оҳу афсӯсу дареғ аз шоди маҳрум будааст.
Ҳар касе зери ниқоби дӯстӣ дар хуррамӣ,
Рӯзи сахтӣ чеҳрааш бешубҳа маълум будааст.
Ҳар-ки номарди намуда мекунад кибру ғурур,
Қотили ҷони чунин инсон табассум будааст.
Аз худам кардам қиёс ҳар кас,ки бемодар бувад,
Аз нишоти зиндагӣ бешубҳа маҳрум будааст.
Бо худат як газ кафан танҳо барӣ бар хоки гӯр,
Ҳар-чи баъди ту бимонад моли мардум будааст.

На этом пока всё

Войдите в ОК, чтобы посмотреть всю ленту