"ОНАМДИР"
Керак бўлса агар бир жон мен учун,
Жонини бермоққа тайёр онамдир.
Худо менга синов юборса нечун,
Мен қолиб кўргани озор - онамдир.
Жонажон дўстларим бугун учун бор,
Бугун келган бўлса бир кун кетар ёр,
Не сирки юзида ажин сочда қор,
Лекин кўнгли ҳамон баҳор - онамдир.
Пойингизда тупроқ тик бошим - онам,
Ҳуснингиз ҳуснимда кўз қошим - онам,
Осмоним, юлдузим, қуёшим - онам,
Ҳар тонг йўқлагувчи наҳор - онамдир.
Ранжитсам ранжини ичга ютгувчи,
Бормикан онамдек мени кутгувчи,
Кўзимдаги ёшга ҳовуч тутгувчи,
Қалби дарё ўзи анҳор - онамдир.
Дунёлари кўнмас битта шартимга,
Етса онам етар маним қадримга,
Юраги сезади дилда дардимга,
Харидор онамдир, бозор - онамдир.
Яратган эгамим сийл