-------Тунжураган ой толгоолор.----------
Тунжурап,тунгуюукка батып ойлор,
Көрүнбөйт,туман каптап кайчы жолдор.
Ачылса боз мунарык таркагансып,
Кайра эле бүркөө тартат ачык жолдор.
Себепсиз,ойлор келет түрмөктөлгөн,
Саз болуп батып барат кээ бир толгоо.
Карайлап ачылбаса кыйын экен,
Боз түшкөн,айланаңда асыл ойлор.
Жашоонун маңызына уйкалышкан,
Ой санаа,бүт денеде жуурулушкан.
Качандыр ачык жайга чыгаарыны,
Билбедим, башым катат чоң талаада.
Алтынбек Абдырахманов.