Левая колонка

Роза Файзуллина

Последний визит: 16 янв

Gif

Фильтр

Заметки Увлечения

Роза Файзуллина

15 апр

Апастово Новости

Дәүләки авылы мәчетендә сугыш чоры балалары хөрмәтләнде
Бөек Җиңүнең 80 еллыгы һәм Ватан сакчысы елы уңаеннан Дәүләки авылында төрле чаралар уза.
Бу көннәрдә сугыш чоры балаларын мәчеткә чакырып кунак иткәннәр.
“Күпне күргән, сугыш чоры авырлыкларын үз җилкәләрендә кичергән апаларны дини мәҗлескә чакырдык. Алар вәгазьләр, догалар укып, тыңлап, тәмле сыйлардан да авыз иттеләр. Яшьлек елларын, хезмәт иткән чорларын хәтерләрендә яңарттылар. Бүгенге тормышка шөкер итүләрен кат-кат әйттеләр. Рәхмәтләр әйтеп таралдылар”, - дип хәбәр итте авылның имамы Ильяс Габбазов.

🤭😂

Дәүләки авылы халкы активлыгы белән аерылып тора.
Дәүләки мәчете тышкы яктан да, эчке яктан да үзенең төзеклеге, матурлыгы, чисталыгы, пөхтәлеге белән сокландыра. Аллаһ йортының һәр почмагыннан иман нуры, җылылык, яктылык бөркелә. Бүгенге көндә биредән халык өзелми, моңлы итеп азан әйтелә, җомга намазлары укыла.
Рамазан аенда да авыл халкы мәчеткә килеп ифтар ашлары уздыра. Намазга килүчеләр тәмле чәйләр эчә.
“Авыл күрке – мәчет. Мәчетле җирлекнең рухы бай”, - диләр. Алга таба да Аллаһ йортының ишекләре ачык булсын, тирә-якка моңлы азан тавышы яңгырап торсын.