Yetmish yulduz yog'ilib, yarim oycha to'lolmas. Yetti yanga yig'ilib, bitta ona bo'lolmas. Ona tirik eshikka, g'urbat yaqin yo'lolmas. Mening esa bag'rim qon, vayronaman onajon. Garchi biz yosh, g'o'r edik. Siz bor biz ham zo'r edik. Bir mayizni besh o'g'il, teng bo'lishib yer edik. Goh talashsak haq so'zni, onam aytsin der edik. Tushmi endi shu zamon? Hayronaman onajon. O'zing uchun o'l yetim, qo'rda ham men qirda ham. Ko'ylagimda tugmam yo'q, tugmam bulsa kir yoqam. To'rt yangamga qo'shilib, turtkilaydi to'rt akam. O'z uyimda jonajon, begonaman onajon! Yo'qligingiz qadamda, turar shunday bilinib. Non yopmaysiz tonglari, menga kulcha ilinib. Sarg'ayarman sarg'aygan, rasmingizga termilib. Zi