Левая колонка

Мусабек Абдиев

Последний визит: 13 июн 2019

Фильтр

Заметки Увлечения

Мусабек Абдиев

7 июн 2018

Ишеничти актачы

Кана бийлик ишеничти актачы,
Кыргызымдын чек арасын тактачы.
Канчалары басып кирип жериме,
Жемкорлука бөгөт коюп сактачы.

Эл ишенип шайладыго акыры,
Эл мүдөөсүн тилегенин барктачы.
Хан сарайда креслону ээлебей,
Жериң берип өз элиңди сатпачы.

Өлүм келет ар адамга бир бирден,
Байлык калат кошо кетпейт сен менен.
Акылдуу бол, күйүмдүү бол элиңе,
Акыретте сурак берет ар пенде.

Мейли алда, элиңди эмес атаңды,
Атаң айтат жакшы-жаман, караны.
Элди алдап күнөөсүнө батканча,
Тапшыргының арам алган мандатты.

Көңүл бургун көйгөйлөрүн элиңдин,
Көргөзгүнүң эл ишенген эрдигиң.
Көөп кетпе аз акчага манчыркап,
Токтот арам акча алган кебиңди.

Абдиев Мусабек

Мусабек Абдиев

5 июл 2017

Байлап алдым

Мен сени байлап алдым,
Жүрөктөн чыкпас кылып.
Сезимге гүл өстүрдүм,
Бакыттын суусун куюп.

Махабат деңиз болду,
Маанайың ачык турду.
Башканы эңсетпечи,
Бир сага көңүл толду.

Негедир ойлой берем,
Оюмдун ичи терең.
Бакытка байлап алдым,
Сезимди ачтым кенен.

Мен сени байлап алдым,
Сезимди алдабагын,
Өзгөгө алмаштырбайм,
Жүрөктү мага арнагын.

Абдиев Мусабек