Татьяна Губеева (Бикбаева)

23 декабря - Шорыкйол пайрем толын шуеш

Ожсо йӱла почеш, тений чын шорыкйол пайрем теле тылзын 23 кечыште пура, ик арням шуйна да 30 кечыште лектеш. Ожно, уке ыле тенийсе "у ий пайрем", а мемнан йӱлана чот ожсо йӱла. Кызытсе семын у ий пайремым руш кугыжа Петро пуртен 1700 ийыште. Сандене ожно чимари нимогай у ийым ончен огытыл. А могай эҥертыш вара лийын? Йодыш чӱчкыдын лектеш. Эҥертыш, акрет годсек лийын Кече да Тылзе, да нунын коштмо корно. Теле, йӱштӧ пагытыш, кунам волгыдо жап иземын толын, а йӱд пычкемыш - вийым поген, кугемын да кугемын. Кугезына пӱртӱсын ончен-эскереныт. Эн кӱчык кечым вучен шуктен, да вара лишыл кугарня кечын, эр кече лекме жапыш шорыкйол пайрем пурымыжым вашлийыныт