Ирина Ханафиева (Конева)

Булачак солдатка Корбан ашы уздырдылар

Корбан бәйрәмен Ялутор районы, Кактамак халкы һәм кунаклары зур хөрмәт белән билгеләп үттеләр.
17 июнь көнне Кактамак авылыннан хәрби хезмәткә алынган Салават Ремаренко иминлеге өчен корбан чалу йоласы уздырылды. Бу игелекле эшне илебезнең булачак саклаучысының әбисе белән бабасы - Гөлинә һәм Илгиз Исламовлар егетнең әти-әнисе белән берлектә оештырдылар.
Ике күрше - Кактамак һәм Калмаклар авыллары мәчет имамнары һәм мөселманнар намаз укыдылар һәм Аллаһы Тәгаләгә рәхмәт сүзләре белән мөрәҗәгать итеп, рухи байлык, дөньяга тынычлык, имин тормыш сорадылар. Шулай ук алар булачак солдатның рухын ныгыту өчен дога кылдылар һәм илебезнең тугры патриоты булсын,