Шараф Пайдовар Умарзода

Инсоне,ки диди тоза дорад.Солхои зиёд дар сахифахои мачози дуст хастем.
Эчодкор аст,эчодкоре,ки мисрахои офаридааш сар то фалсафи буда сабку услуби худро дорад.
Илоҳӣ бекасу бечораро хони мусаффо деҳ ,
Ятимиро зи хотир бар , барояш мому бобо деҳ .
Канори боғи нодоре шамоли зулфи худ овар,
Дар ин вайронаи олам барояш қасри Доро деҳ.
Зи шарри золимони аҳли ҷоҳу маснаду минбар,
Ба ҳар як муъмини олам сафои боғи мино деҳ.
Зи равзанҳои қалби рехтаам боре назар андӯз,
Ба ҳар як қатраи ашкам равонамро ба Лайло деҳ.
Навис бо мистари зулфат санои ишқи зебоям,
Ба лабҳои муҳаббат ҷуръае аз ҷоми лабҳо деҳ.
Нидои ишқро бар то фалак бо изни Раҳмонӣ,
Калиди бахти ёронро ба Вомиқу ба Узро деҳ.
Ҳазору як шаби шабҳои васламро мунаввар кун,
Ҳазорон қиссаи шаҳзоди эҳзонро ба яғмо деҳ.
Шамоил додӣ зангиро маро худ субҳи раъно шуд,
Ба ҳар ҷо дидаи кӯр аст, барояш ҳусни Салмо деҳ.
Бизан як панҷаи обе ба рӯи аҳли пурхобе,
Сари саҷҷодааш овар , дуъои шоми ялдо деҳ.
Бубар аз хотири дунё фиребу макри шайтонӣ,
Ба некон ҷоҳу бар амни халоиқ набзи илқо деҳ
Ба Пайдовар агар додӣ нигорат қонуни васлат,
Каломаш доди Раббонист, варо девони фардо деҳ.
Шараф Пайдовар Умарзода
10.03.2024.
Зодруз муборак бошад ако