🤲🏻 _*ЭҢ ЖАКШЫ ИБАДАТ – ДУБА*_🤲🏻

*ДУБА КЫЛУУ*
_Дуба кылуу – бул, ибадат бо­луп эсептелет. Пайгамбарыбыз (Ага Аллахтын салам-салаваты болсун): *«Дуба – бул, ибидат»* – деген. Экин­чи бир хадисте: *“Аллахтын алдында дубадан өткөн баалуу нерсе жок”* – деп айтса, дагы бир хадисте: *“Аллах Тирүү, Берешен. Ошондуктан кайсы бир пендеси Ага дуба кылып суранса, анын сунулган колун бош кайтаруудан уялат…”* – деп айткан._
*ДУБАНЫН КАБЫЛ БОЛУУ ШАРТ­ТАРЫ:*
_Чын ыклас менен дуба кылуу. Пайгамбарыбыз (Ага Аллахтын са­лам-салаваты болсун): *“Чындыгында, амалдар ниетке жараша болот”* – деп айткан. Пайгамбарыбыз (Ага Аллах­тын салам-салаваты болсун) көрсөт­көнүндөй дуба кылуу керек. Анткени, бизге Пайгамбарыбыз (Ага Аллахтын салам-салаваты болсун) гана үлгү боло алат. Куранда: *“Чындыгында, си­лер үчүн да, Аллахты, Акырет күнүн үмүт кылгандар (үчүн да) жана Аллах­ты көп эстегендер үчүн да – Аллах­тын элчисинде көркөм өрнөктөр бар”. (Ахзаб, 21-аят).* Намаз, орозо, зекет жана үгүт- насаат сымал милдеттүү амалдарды дайыма аткарып жүрүү керек. Куду­сий хадисте: *“Парз кылынган амалдар аркылуу пендем Мага жакындайт. Ал эми кошумча амалдар аркылуу Мага сүйкүмдүү болот. Эгерде Мен аны сүйө турган болсом, анын угуусу, кө­рүүсү, суна турган колу жана жүрө турган буту болом. Анын тилегин берип, жамандыктардан коргоймун”* – деп айтылган. Ошондой эле Хузай­фа бин Йаман _ жеткирген хадисте, пайгамбарыбыз (Ага Аллахтын салам- салаваты болсун): *“Жанымдын Ээси болгон Жаратканга ант ичип айтам: жакшылыкка үндөп, жаман иштерден тыйбасаңар, башыңарга түйшүк түш­көндө кылган дубаңар да кабыл бол­боосу ыктымал”* – деп айткан_.
_Адал тамак менен тамакта­нуу керек. Абу Хурайра (Аллах андан ыраазы болсун) кабарлаган хадисте, пайгамбарыбыз (Ага Аллахтын са­лам-салаваты болсун): *“Оо, эл-журт! Чындыгында, Аллах Таза (Аруу), ошондуктан Ал тазаны гана кабыл кы­лат”* – деп айткан. Дубанын кабыл болуусуна ишенүү керек. Кудусий хадисте: *“Мен пенденин күмөн кылгандаймын”* – деп айтылган. Жакшылыкта да, жамандык­та да Аллахты эстеп жүрүү керек. Пайгамбарыбыз (Ага Аллахтын са­лам-салаваты болсун) мындай деген: *“Кимде-ким кыйынчылыкка кабыл­ган кезде дубасынын кабыл болуусун кааласа, анда жыргал турмуш өткөрүп жаткан убакта да Аллахты унутпай дуба кылып жүрсүн”*_.
*ДУБА КЫЛУУНУН АДЕПТЕРИ:*
_Дуба кылган учурда жөнөкөй, кичипейил болуу, мүмкүнчүлүгү болсо даараты менен болуу, Кыбла тарапка карап дуба кы­луу, эки колун көтөрүп дуба кылуу, дуба кылуудан алдын Аллахка мактоо айтуу, Пайгамбарыбызга (с.а.в.) салават ай­туу, үнүн төмөнүрөөк чыгаруу, дубада ата-энесине кошуп дуба кылуу, жалпы мусулмандарды кошуп дуба кылуу, Жараткандын бергенине шү­гүр кылуу, жана катасын мойнуга алуу менен дуба кылуу дубаны үч жолу кайталоо дубадан кийин (Амиин) деп айтуу. Дуба кылган соң эки колун жү­зүнө сүйкөө, истигфар айтып, кечирим ти­лөө, кайыр-садака берүү._
*ДУБА КАБЫЛ БОЛУУЧУ УБАКЫТ­ТАР:*
_Түн ичиндеги дубалар. Пай­гамбарыбыз (Ага Аллахтын салам-са­лаваты болсун): *“Түн ичинде бир уба­кыт бар, эгерде пенденин Акырет жана дүнүйө жакшылыгын тилеген дубасы ошол убакытка дал келсе, Аллах анын сураганын берет*” – деп айткан. Азандан кийинки дубалар. Пайгамбарыбыз (Ага Аллахтын са­лам-салаваты болсун) айткан: *“Азан менен икамат ортосундагы дуба кай­тарылбайт”*. Жума күнүндөгү дубалар. Абу Хурайра (Аллах андан ыраазы болсун) келтирген хадисте, Аллахтын элчиси Жума күнү жөнүндө баяндап жатып: *“Бул күнү бир убакыт бар. Кимдин ду­басы ошол убакытка дал келсе, кын­тыксыз кабыл болот”* – деп айткан. Рамазан айындагы дубалар. Пайгамбарыбыз (Ага Аллахтын са­лам-салаваты болсун): *“Орозо тутуучу адамдын ооз ачаар алдындагы дубасы жоопсуз калбайт”* – деген. Арафа күнүндөгү дубалар. Пайгамбарыбыз (Ага Аллахтын са­лам-салаваты болсун): *“Дубалардын эң жакшысы – Арафат күнүндөгү дуба…”* – деген. Намаздан кийинки дубалар. Пайгамбарыбыздан *“Кайсы дуба укку­луктуу?”* – деп сурашканда, ал: *“Түн­дүн акыркы бөлүгүндөгү жана фарз намаздардын артынан айтылган дуба”* – деп жооп берген. Кадыр түнүндөгү дубалар. Сажда учурундагы дубалар. Ажы, же умра учурундагы ду­балар. Оорулуунун абалын сурап барган учурдагы дубалар. Зам-зам суусун ичкен убак­тагы дубалар_.
*Дуба - мусулмандын куралы, диндин негизи, тиреги жана жер менен көккө жарык чачкан нур болуп саналат. Дуба – башка келген балээлерди кайтарат, келбегендеринин келүүсүнө тоскоол болот.*