• Апа, мени менен сүйлөшкөндү жакшы көргөнүңдү айтчы.

Мен чоңоюп, өзүмдүн кызыктуу адам экенимди билейин.
• Апа, мага ыйлаганы, ачууланганы, кайгырганы, сүйүнгөнү тыюу салбачы. Өзүң ачык болуп, сезимдериңди көрсөтүп, катаңды мойнуңа алчы. Мен чоңоюп, менде баары жайында экенин билейин.
• Апа, менде эмне болуп жатканын байкачы. Мен башка адамдар менен эмоционалдык жакындыкка жөндөмдүү болуп чоңойойун.
• Апа, мен кыйналганда, жаңылганда, ойлорум ишке ашпай калганда мени сооротчу. Жазалоонун ордуна сооротчу. Чоңоюп, өзүмдү да, башкаларды да колдой алайын.
• Апа, менден эмнени жакшы көрөөрүмдү сурачы, менин муктаждыктарымды жана кызыкчылыктарымды эске алчы. Мен чоңойуп - өзүмө жана башкаларга кам көрө алайын.
• Апа, сага “жок” деп айтууга, кээде сени менен макул болбоого, каршылык көрсөтүүгө уруксат берчи. Мен чоңоюп, “жок” деп айта алайын.
• Апа, мага эркиндик берчи, мени дайым башкарганды, текшергенди токтотчу. Ошондо мен жоопкерчиликтүү болуп чоңойом.
• Апа, мага сезимдер жөнүндө айтып берчи. Мен чоңоюп, өзүмдү түшүнөйүн.
• Апа, сен жакшы көргөн нерселердин баарын жакшы көрбөөгө, сен каалагандын баарын каалабоого, кээде сен каалагандай болбоого уруксат берчи. Мен чоңойуп - чыныгы каалоолорумду түшүнөйүн.
• Апа, мени чоң адамдардай болууга шаштырбачы, балалыгымды жашайын. Мага алсыз, кичинекей, муктаж болууга уруксат берчи, чоңойгондо өз алдынча болойун.
• Апа, мени болгонумдай жакшы көрчү. Мен чоңоюп, өзүмдү баалуу сезейин.
• Апа, бала кезимде жанымда болчу. Чоңойгондо жалгыздыктан кыйналбайын.
• Жана дагы бир нерсе, мени бат-баттан кучактап турчу, суранам.
Сен канткенде да, сени дайым жакшы көргөн, сага дайым муктаж болгон, сени дүйнөнүн эң сулуу апасы катары көргөн сенин балакайың…🤍