СЕН, МЕН үчүн.

МЕН, СЕН үчүн.👩‍❤️‍👨
Жубайың сага таандык, сен жубайыңа таандыксың!💕
Ырчы мырза, Урмат Усенов айткандай "Мен Неляны эч кимге салыштырбайм. Анын кемчилиги да меники, артыкчылыгы да меники"- деп, абдан туура айткан.
Үй-бүлөдө өзүнүн жоопкерчилигин сезген, жубайынан мурун, үй-бүлөсүнүн бактысы үчүн, өзү жоопту экенин түшүнгөн "акылдуу мырза"- деп, баа бердим.
Үй-бүлөдө бир максат, бир ой жана "биз бирбиз, бир үй-бүлөбүз "- деген ураан болбосо
🌱 ийгиликтерге жетүү,
🌱 ынтымакты бекемдөө,
🌱бири-бирине ишеним артуу,
🌱 келишпестикти чечүү,
🌱чоң иштерди бүтөрүү,
🌱балдарды чоңойтуу,
🌱туура пландаштыруу,
🌱жакшы атмосфераны,
сактап калуу кыйын болот.
Бул чындык. Себеби бир ой, бир максат жок. Жубайынын көйгөйу башка, жолдошунун көйгөйү башка болгон күндө да "сен меникисиң, мен сеникимин, биз бирбиз, чогу чечебиз, бул экөөбүздүн көйгөйүбүз "- деген түшүнүк болсо, анда чогу, баардык көйгөйдү жеңүүгө болот деп ишенем.
Өкүнүчтүүсү, бир үй-бүлө экиге бөлүнгөну. Же үй-бүлөдөгү биримдикти бузган, башкаларга жол берип, өз үй-бүлөңдү коргобой, кайдыгер кароо.
Үй-бүлө бул
💖сенин бактың.
💖 Сенин жоопкерчилигиң.
💖Сенин сүйүүң.
💖Сенин байлыгың.
💖Сенин чыныгы жүзүң.
Уй-бүлөң сага таандык, башкага эмес!
Жаратканым, жубайыңды сага ( жолдошуңду ) берген. Ал сенин сүйүүң гана эмес, жоопкерчилигиң. Экөөң бир денесиң. Кайда жүрбөгүлө, бири-бириңерди сезип турасыңар жана ар дайым оюуңда жашап келет. Үйгө кирери менен эң биринчи бири-бириңерди издейсиңер. Жок болсо, дароо жоктугу билинет. "Атаң же апаң кайда?" - деп сурайсың.
Мына ушул чындыктардын өзү "биз бирбиз, бир денебиз, бир үй-бүлөбүз"- деп күбөлөндүрөт.
Бир үй-бүлөнү "экиге бөлөм"- деген толкундарга жол бербөө зарыл! Себеби, үй-бүлөңөргө зыянын тийгизип, бөлгөндөр бөлуп, эч нерсе болбогондой, оңой эле тескери басып кетишет. Бөлүнүп кеткен жубайы, жолдошу жана балдары жан-дүйнөсү жараланып, азап тартышат. Аларды бириктиргенге эч ким аракет кылбайт.
Себеби, сен, өз убагында үй-бүлөңдү коргобой, башкалардын кийлигишип, үй-бүлөңдүн сүйүүсү, муздап 💔 калуусуна жол бергенсиң. Кимге пайда кимге зыян болду? Албетте, үй-бүлөңө жана өзүңө зыян болду.
Айткым келгени, эч ким жеткилең эмес! Кандай абал болбосун, үй-бүлөдө бири-бирине талап коюу эмес, бири-бирине жакшы сөз арноо, ишеним артуу, сый-урмат көрсөтүү болсо экен дейм.
СЕНИКИ же МЕНИКИ эмес
💕 "БИЗДИКИ,
💕биз БИРБИЗ,
💕 бир ҮЙ-БҮЛӨБҮЗ
💕сен МАГА , мен САГА ТААНДЫКМЫН деген ураан жашасын! 🙏💝
Ар бир үй-бүлөгө бекем сүйүү, туруктуулук, тең каарылык жана бир ой, бир максат каалайм. Өмүрүңөрдүн акырына чейин бөлүнбөй, бир болуңуздар жубайлар. 👩‍❤‍👨💕
Игамбердиева. Зарема
#уйбуло
#суйуу
#жакшысоз
#жашоо
#урматусенов