Дуба билбегендерге бул батаны (дубаны) жаттап алууну сунуш кылабыз:

Оо Жараткан АЛЛАХ! Бу дүйнөдөн өткөн улуу Пайгамбарыбыз Мухаммед алейхисалам баш болгон бардык момун мусулмандарга мээримиңди чач.
Алардын ичинде ата-бабаларыбыз менен эң жакын адамдарыбыздын билип-билбей кылган күнөөлөрүн кечирип, жандарына Жаннатыңдан жай бере көр.
Дүйнө жүзүнө, эли-журтубузга тынччылык, аманчылык, бакыбат жашоо бер.
Ар бирибизди ыйман жолуна салып, эки дүйнөнүн бактысын бер.
Өзүбүзгө айныбас акыл, унутулбас билим, көөнөрбөс нарк, адал мээнет, ообос оомат, кетпес дөөлөт бер.
Өзүмдөн мурда өзгө деп, мен дебей эл деп жашаган ниеттен ажыратпа.
Бала-бакырабызды өзүбүздөн артык кылып, урматын көрсөт.
Күйүшөөр туугандан, сүйүшөөр жардан, кыйышпас достон, кадырлашаар катыштан кем кылба.
Кара ниеттен, бөөдө кырсыктан, балээ менен жалаадан сакта. Узак өмүр, чың ден соолук бер.
Жамандарга кор кылба, жакшылардан кем кылба.
Бүгүн да, эртең да, көзүбүз өткөндөн кийин да абийирибизди таза, жүзүбүздү жарык кыл.
Көрдүн азабынан, Тозоктун отунан сакта. Оомийин! #аалымдарсөзү