ТААРЫНЫЧ АДАМДЫ ЖАЛГЫЗСЫРАТАТ.

(Обида делает человека одиноким)
Таарынган учурда, таарынткан адамдарды күнөөлөп келебиз. Эгер реалдуу көз менен карай турган болсок, албетте таарынткан адам күнөлүү. Себеби ал сенин жүрөгүңдү оорутту. Чыккынчылык кылды. Сөзүнө турган жок. Алдап кетти. Басынтып шылдыңдады. Анан кантип таарынбай коё аласың? Мага мындай мамиле жасаган адамга мен дагы таарынмакмын. Себеби сенин таарынганың туура. Ал сени капа кылбадыбы .
" БИРОК "- 👆 деген сөз бар. Билесиңби кээ бир адамдар, башкаларды таарынтканга көнүп калышкан. Сен канча таарынба ал сенин көңүлүңдү оорутуканын сезбейт жана ар дайым "туура кылдым"- деп ойлойт. Бирөөнү капа кылганы үчүн анын абийири соттобойт. Ал өзүнүн ошол жөндөмү менен сыймыктанып "мен жеңдим "- деп түшүнөт. Бул жерде мындай адамдарга таарынуу эч кандай пайда алып келбегенин өз көзүң менен көрөсүң. Ишенбесең, сени ар дайым капа кылган адамга, көпкө чейин таарынып көр! Жогорудагы сөздөр чындык экенине күбө болосуң. Эң жаманы ТААРЫНЫЧ, сенин жашооңо терс таасирин тийгизе баштаганы. Кандайча дейсиңби?
- таарыныч сени ЖАЛГЫЗСЫРАТАТ.
- жүрөгүңдү каттулантып , кечирбестикке шыктандырат.
- ал адамга болгон жек көрүүң күч алат.
- ушунчалык кечире албаганың үчүн, түнкү уйкуң бузулуп, таңды аттырасың
- жүрөк ооруу кылары анык.
- сени таарынткан адамга гана эмес, башкаларды да ошого окшоштуруп досторуңа, жакындарыңа болгон ишеничиң жоголот.
- өзүңдү эч кимге кереги жок сезесиң.
- депреция жана суицидке да алып келиши мүмкүн.
Карачы бир адамдын пайдасыз сөзү же мамилеси үчүн ушундай жашоо бизге керекпи? Керек эмес! Бунун баары өзүңдүн душманың болот. Өмүр бою таарынып, жашоонун кызыгын жоготуу бул бир гана сага зыян. Таарынычты кечирип жеңүүгө болот. Болгону, кийинкиде ал адамга, кандай мамиле туура болорун озүң түшүнүп каласың.
Бул постор менен "мен таарынчаак эмесмин"- деп айткым келбейт. Бул биздин жашообузга тынбай келип турчу толкун. Мен дагы таарынычтан кыя өтүп кетүүгө аракет кылам. Кээде аракеттерим текке кетпей , кубаныч берет.