📝ҚАЗО ВА ПУЛ

Банкомат. Нақд пул ечиб олишга навбат. Шом намози яқинлашяпти...
Йигит ўзидан кейин келган ёш болали аёлга навбатини берди. Олдинга ўтказиб юборди.
Бироз ўтиб ўрта ёшлардаги акахон йигитга юзланди:
– Ука, илтимос, навбатингни бер. Шомга кеч қоляпман.
– Йўқ, менинг ҳам вақтим зиқ. Шошилиб турибман, – сурбетлик қилди йигит.
Намозхон аканинг авзойи бузилди.
Йигит банкоматга яқинлашаркан, намозхон аканинг тоқати тоқ бўла бошлади. Эътирози ортиб бораверди, диққати ошди...
– Нега тоқатингиз тоқ бўляпти? – йигит акахонга юзланди.
– Ахир намозга кеч қолдим, – дарҳақиқат, бу вақтга келиб шом қазо бўлганди.
– Ака, аввало, сизга навбат бермаганим боиси, менга ўзингиз учун бўлган ибодатни пеш қилдингиз. Қолаверса, сизнинг эътиқодингизни синамоқчи бўлдим. Агар навбатимни бермаган пайтим намозга шошилганингизда, сизни илтимос қилиб тўхтатишга тайёр эдим. Ундай қилмадингиз. Намоздан нақд пулни афзал кўрдингиз. Узр энди, сабр қилинг.
Исомиддин ПЎЛАТОВ
Савол: ким ҳақ эди?