რუსეთი ომისთვის ემზადება, უკრაინა კი თავდაცვისთვის

რეზერვისტთა მობილიზაცია უკრაინის უსაფრთხოებისა და ტერიტორიული მთლიანობის დასაცავად - რუსეთი ომისთვის ემზადება, უკრაინა კი თავდაცვისთვის. ქვეყნის დროებითმა მთავრობამ სამხედრო თვითმფრინავებისთვის საჰაერო სივრცე დახურა. უკიდურესად მძიმე ვითარებაა ყირიმში. კიევი მოსკოვს სამხედრო აგრესიის მცდელობაში ადანაშაულებს და ბლოკირებული სამხედრო ნაწილების გათავისუფლებას მოითხოვს. ვიდრე კრემლი აღმოსავლეთ უკრაინაში ძალის დემონსტრირებას მოახდენს, ერთმანეთს პრორუსული და პროევროპელი უკრაინელები უპირისპირდებიან. ვისზეა დამოკიდებული ყირიმის მომავალი - რეგიონში განვითარებულ მოვლენებს და რადას საგანგებო სხდომას დავით ლაბაძე შეაჯამებს.