Nogayşa 12/2022: ZARRELERDİÑ AYTQANI (2) PODKAST #nogayca #islam

Nasip bolsa bu yuma, Zarrelerden Allah’qa Aşılgan terezelerden Ekinşidi aytamız... Bîrinşi terezede Zerrelerdiñ insanda, Etken qullıqlarıman Allah’tı qaytibine Körsetkenin aytqan edik. Mine sosı terezede, Avadaqı zarrelermen, Quday’dıñ barlıgına, Em bîrligine şaatlar, Neler eken aytamız: Avadaqı är bîr zarre, Är şeşek em meyvaga, Qonaqlıqqa baralgan. Är şeşekey em meyvadıñ İşine kireberip So yerlerde neşe qullıq, Vazipeler etelgan. Eger sosı zerreler, Är bîr zattı körüp bilgen, Tagı qudreti sonsuz Bîr Allah’tıñ qullıqşısı Bolmay berip qalsalar, Är bîr zarre sarseri, Bası bızıq bolup qalgan. Sosı ava zarreleri, Haq emrinde bolmasa, Ya biz süytüp inansaq; Sosı alde ol zarreler, Şeşekler em meyvalardıñ, Alatlarman cihazların, Em onlardıñ yasalganın, Yaşavlarına kerek bolgan Qaysı isler bar bolsa; Em yarasıq saniyatını, Em gözel suvretini Sankim bîr terzidey Kiyimlermen keplerini Tikkeni kerek boladı. Ta sosı meyvalar, Em barı şeşekeyler, Ol yahşı allerimen Közler aldına kelsin. Nav aytılgan manedi, Barabarşa oylasaq; Sosı hava zerresinin Ne yanı bar, ne esi bar... Nav sıpatta bîr zerre, Munşa şeşek, meyvalardı, Qayerlerden tanıydı? Baresini bilgendey Munşa isti başaradı... Misal bolsa avadıñ Bîr zerresi kirazga Kirgen bolsa, kirazdın Är bîr isin bilgendey, Kirazdıñ yapragında, Tallarında, qabıgında, Em şeşekey aşqan vaqıt, Şeşeklerdiñ är bîrevinde Bilip, tanıp is köredi!.. Qaysı ösimlik bolsa, Sosınlarda tagı Aynı aller köriledi. Sosı ava zerresinin Nav mucize alini, Är baharda, qayta qayta Är bîrevimiz köremiz... Yanı bolmay, aqlı bolmay, Bîr ava zerresiniñ, Süytüp barı ölenlerge, Tereklerge, şeşeklerge Kirip isler etkeni, Bîr mucize bolmasa Ne dep aytılsa boladı? Avadaqı zarrediñ Barı qullıgı bizge, Etken isi sanınca, Allah bar dep baqıradı! Rabb’ımızdıñ qudretini, İlim em qasiyetiniñ Bîr köbini körsetedi. Meyvalarda, şeşekeyde Qullıq etken zerreler, Yalgız avadan tuvıl, Em topraqtan, em suvdan, Tagı künden keledi. Süyerlerden kelgenler, Avadan kelgenlermen Aynı isti etedi. Misal bolsa bîr zerre, Suvman terekke barsa, Sosı zarre ol terektiñ, Yapragına, talına, Şeşekey em meyvasına, Kirip isler köredi. Qayta qayta oylasaq, Nav suvdıñ zerresi em, Almalardı qaydan bilsin? Qayerlerden tanısın? Dünyadıñ är yerinde, Qaysı ösimlik bolsa, Ölen, şeşekey bolsa, Sosı isler, baresinde, Eksik bolmay köriledi. Topraq zarreleri tagı, Aynı isti etedi. Demek kün, topraq, suvman; Em avaman meyvalarga, Ösimlikke kirgen zerre, Är bîrevi Allah’tıñ Barlıgına, küşine, Em barı sıpatınıñ Sonsuz ongın bolganına, Är bîrevi ayrı ayrı, Tagı barabar bolup Şahitlik etedi... Bizim tagı, Quday’ga Etilgen şahitlikti, Köreberip sosınlarga Qosulganımız tagı, Em qullıq, em tagat, Em ibadet boladı. Savlıqpan qalıñız... Dr. Yusuf ALTINIŞIK #nogayca #islam #allah #trttatar #nogai #podcast #nogayşa #yusuf_altınışık