Мирзиёев четдаги тадбиркорларни қандай қилиб Ўзбекистонга қайтариши мумкин?

Президент Мирзиёев Ўзбекистондаги оғир қонунчилик ва муҳит тадбиркорларни қийнаб қўйганини ва четдан кириб келмоқчи бўлган пулдор аэропортдаги муомалани кўриб қочиб кетиши мумкинлигини айтади. Президент четдаги тадбиркорларга Ўзбекистонда бизнес қилиш учун етарли муҳит яратмагунча тиниб-тинчимаслигини ва тадбиркорларга қаршилик бу- сиёсатга хиёнатлигини таъкидлаган. Бироқ шундай бўлса-да, ҳамон жойларда тадбиркорлар мулкини ҳимоя қила олмаяпти. Натижада Ўзбекистонга сармоя киритган кўплаб тадбиркорлар яна қайтиб бу ўлкага сармоя киритиш ёки киритмаслик танлови қаршисида қолган. 25 апрель куни BBCUZBEK.COM нинг Facebook даги саҳифасида олиб борилган жонли мулоқот мавзуси ана шу мавзуга бағишланди.