Москвадаги мигрантлар 2018 дан нима кутишмоқда?

Янги йил эшик қоқмоқда. Миллионлаб ўзбекистонликлар 2018 йилни ҳам Россия совуқларида кутиб олишади. Ўтаётган йилда улар Ўзбекистонга 2 миллиард долларга яқин пул юборишди. Икки давлат ўртасида меҳнат миграциясига доир шартнома кучга кирди. Ўзбекистон расмийлари 10 йил бадалида биринчи марта Россиядаги ватандошлар билан мулоқот қилди. Шунга қарамай, уларнинг ҳақ-ҳуқуқлари ҳимояси ва меҳнат шароитлари яхши томонга ўзгарганича йўқ. Аксинча, 2018 йилда Россиянинг кўплаб ҳудудларида патентнинг ойлик тўлов нархлари кўтарилиши кутилмоқда. Меҳнат муҳожирларининг ўзлари йилни қандай якунлашмоқда? Би-би-си Москвадаги мигрантларга микрофон тутди.