Mətanət İskəndərli - Bir Gün

Söz: Sabir Abdinov Musiqi: Nadir Əzimov Bir gün Üzümü söykəyib göyün üzünə, Sənin gözlərinə köçərəm bir gün. İpək saçlarına sığal çəkərəm, Bulud ürəyindən keçərəm bir gün. Mənə ürəyini aça bilməsən, Payız baxışından yağış sellənər. Sirrimi, sözümü söyləsəm sənə, Yağış gözlərindən günəş çilənər. Əgər gözlərinə baxa bilməsəm, O dəli küləklər haray qoparar. Səndən uzaqlarda olsam da əgər, Şimşəklər səsimi sənə aparar. Bir gün də qoşulub qara, yağışa Göylərdən yanına gələrəm sənin. Gözümdən sellənər kədərim, qəmim, Bir gün gözlərində gülərəm sənin.