Xodaşirin Cəbiyev (Cabbarlı) - "Kimə yalvarım" -" Olmaz

Ömrün ötən anları... Ötən il - 28.12..2014-cü il tarixdə Masallı rayon Mərkəzi Kitabxanasında 60 illik yubileyim təntənə ilə qeyd edildi. Həmin tədbir öncəsi bir çox dostlar təkid etdilər ki, gənclik illərimi yada salım - ifaçılıq qabiliyyətimi ortaya qoyum. Halbuki, mən peşəkar xanəndə - ifaçı deyiləm. Həmin sənətlə ötən əsrin 60-cı ıllərinin sonlarından ayrılmışam. Dostlara hörmətlə yanaşaraq, sözlərini yerə salmadım. Tədbirdə çıxış etmək üçün təbii ki, məşq etmək lazım idi. Ona görə də bir zamanlar -gənclik illərində məni müşayiət etmiş musiqiçi dostlarla evimizdə 2-3 dəfə məşq etməli olduq. Əlinə ilk dəfə videokamera alan nəvəm İradə həmin gecələrin birində, məşq zamanı ifamızı tarixin yaddaşına köçürtdü. Beləcə bir tarixi məqam xatirəyə döndü. Texniki və sənət baxımından ifanın qüsurlu olduğu bəllidir. Lakin tarix, bir tarix olaraq qalır... - 26.12.2014-cü il. Qeyd: "Olmaz" təsnifinin bəstəçisi Xodaşirin Cəbiyev - Cabbarlıdır.