ვინ არიან ქართველი გოგონები, რომელთა სიმღერა ინტერნეტჰიტი გახდა

"ეს ქართული სიმღერა ტრანსში ჩაგაგდებთ" - ასე გამოეხმაურა ცნობილი ამერიკული ინტერნეტგამოცემა The Huffington Post-ი ტრიო "მანდილის" სიმღერა "აპარეკას", რომელიც მათ საიტზე 9 სექტემბერს განთავსდა. თათული მგელაძე, შორენა ცისკარაული და ანი ჭინჭარაული ამ სიმღერით მსოფლიო ინტერნეტსაზოგადოებამ გაიცნო. ვიდეომ, რომელიც youtube-ზე 4 სექტემბერს აიტვირთა, 10 დღეში თითქმის 1 მილიონი ნახვა და ათასზე მეტი კომენტარი დააგროვა. კომენტარების უმრავლესობა უცხოელებს ეკუთვნით, რომლებიც აღფრთოვანებას ვერ მალავენ გოგონების შესრულების გამო. სამივე თვითნასწავლი მომღერალია. გოგონები უახლოეს მომავალში სამი სიმღერის სტუდიურ ჩაწერას აპირებენ. ინტერნეტვარსკვლავობასა და სამომავლო გეგმებზე "მანდილის" წევრებმა "პალიტრა ტვ"-სთან ისაუბრეს.