Гитлернинг суратлари 400 минг еврога сотилди

Хабарларга кўра, Адольф Гитлер мўйқаламига мансуб суратлар Олмониянинг Нюрнберг кимошди савдо уйида сотувга қўйилган. Сотув жараёнида Гитлернинг Бавариядаги Нойшванштайн қасри акс этган тасвири энг қиммати бўлиб чиққан. Хитойлик харидорлардан бири бу сурат учун нақ 100.000 евро таклиф қилган. Адольф Гитлернинг михчали сурати эса, бундан сал арзонроққа – 72.000 еврога кетган. Олмониянинг худди шу кимошди уйи ўтган йили Адольф Гитлернинг мойбўёқда ишланган бошқа бир суратини сотувга қўйган, аммо уни анчагина қимматга, яъни қарийб 130.000 еврога сотишга муваффақ бўлганди. Кимошди савдосини уюштирган Нюрнбергнинг “Weidler Auctioneers” уйи вакиллари харидорларнинг шахсларини очиқлашмаган. Фақатгина уларнинг Бразилия, Бирлашган Араб Амирликлари, Франция ва олмониялик эканликларини айтиш билан чекланишган, холос. Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02. Instagram – BBC UZBEK Twitter – BBC UZBEK Odnoklassniki – BBC UZBEK Facebook- BBC UZBEK Google+ BBC UZBEK YouTube - BBCUZBEK (https://www.youtube.com/user/bbcuzbek) Skype - bbcuzbekradio