Tovuz sakini özünü kəsərək məmurlara etiraz edib. 18+

Qovlar sakini Tahir Rəhimov yerli məmurlara etirazını özünü kəsməklə bildirib. “Bazardaydım, qayıdıb gəlib sahəyə çatanda gördüm ki, yoldaşım özünü doğrayıb, polislərlə icra hakimiyyətinin nümayəndələri də kənardan tamaşa eləyir. Təcili yardıma zəng vurdum. Yoldaşımı Tovuz rayon Mərkəzi Xəstəxanasına apardım, yaralarını tiksələr də, özünü xəstəxanaya qəbul eləmədilər. Çünki tapşırıq gəlmişdi ki, bu adamı xəstəxanaya qəbul eləməsinlər”. Bunu Meydan TV-yə Tovuzun Qovlar şəhər sakini Şəfiqə Xankişiyeva deyir. Onun sözlərinə görə, oktyabrın 29-da pay torpağında tikdikləri heyvan damlarının sökülməsinə eritaz olaraq həyat yoldaşı, 44 yaşlı Tahir Rəhimov özünə bıçaqla xəsarət yetirib. Buna qədər Tahir Rəhimov 4 qardaşı ilə birikdə yaşayırmış. Bu yaxınlarda qərara gəlib ki, pay torpağında həm ev tiksin, həm də heyvandarlıqla məşğul olsun. Şəfiqə xanım deyir ki, mal damının tikildiyi sahə əkinə yararsız və istifadəsizdir: “Rayonun məmurları, rəisləri adamların imkansızlığından istifadə edib pay torpaqlarını dəyərindən qat-qat aşağı qiymətə satın alıblar. Qovlarda əhalidə bir qarış da yer qoymayıblar. Bircə torpağını satmayan bizik. Dəfələrlə həyat yoldaşıma təklif ediblər ki, pay torpağını satsın, razı olmayıb. Qovlarda əkinə yararlı bütün torpaqları özləri əkirlər, yaxud təyinatını dəyişib başqa məqsədlər üçün istifadə edirlər, yararsız sahələrdə isə kasıba balaca bir mal damı tikməyə imkan vermirlər”. Tahir Rəhimovun ailəsi mal damı tikdikləri yerdə həm də yaşayır. Yerli icra hakimiyyəti buna da imkan vermir. Ailənin isə yaşamağa başqa yeri yoxdur. Tovuz Rayon İcra Hakimiyyətindən bildirilib ki, torpaq islahatları zamanı Qovlarda Tahir Rəhimova ayrılan pay torpağının təyinatı əkin işləri üçündür. Ona dəfələrlə xəbərdarlıq olunmasına baxmayaraq, pay torpağında yaşayış yeri və mal damı tikib. Qanunsuz tikililəri könüllü sökməsinə dair xəbərdarlıqlara əməl etmədiyi üçün icra hakimiyyətinin nümayəndələri polislərlə birlikdə əraziyə gedib. Ancaq Rəhimov özünə xəsarət yetirmək yolu ilə əraziyə gələnlərə təzyiq göstərməyə çalışıb: “Torpağın təyinatını yalnız Nazirlər Kabineti dəyişə bilər”. deyə İcra Hakimiyyətindən bildirilib. Kanala abunə ol - https://goo.gl/TcM9Fm WebSite: http://www.meydan.tv Facebook: http://fb.com/MeydanTelevision Twitter: http://twitter.com/MeydanTV Google+ https://plus.google.com/+MeydanTelevision/posts İnstagram: http://instagram.com/meydantv __ Xəbərdən çox xəbər var. Çəkin göndərin yayımlayaq - whatsapp : +49 176 16263646