Մորս չասեք, որ զոհվել եմ, կխաբեք․ տեսանյութի զինվորը խնդրել էր զոհվելուց հետո իր երգը հասցնեն մորը

Տեսանյութի այդ հերոսը Տիգրան Հարությունյանն էր, որի անունը ևս հայտնվեց իրենց կյանքը հայրենիքի պաշտպանությանը նվիրածների ցուցակում. «Երեկ իր անմահանալու յոթերորդ օրն էր: Իր հետ ծառայող տղաներից մեկից երեկ մի նամակ ստացանք: Տիգրանի վերջին խոսքը հասավ մայրիկին»,- այս մասին ԼՈՒՐԵՐ.com-ի հետ զրույցում ասաց Տիգրան Հարությունյանի քույրը՝ Աննա Հարությունյանը: Վերջինիս խոսքերով Տիգրանը ինը ամսից պետք է վերադառնար տուն, ծառայում էր Խնձորեսկում: Նա սովորում էր Գյումրու Կոմիտասի անվան կոնսերվատորիայում, չորրորդ կուրս փոխադրվելուն պես զորակոչվեց բանակ։ Տիգրանը ծառայության ընթացքում աչքի էր ընկնում իր ձայնով, ծառայության ընթացքում բազմաթիվ միջոցառումների էր մասնակցել. Տիգրան Հարությունյան: «Ազատ ժամանակ շատ էր սիրում երգել, բանաստեղծություններ գրել: Այնքան սիրուն ու խորն էր գրում: Մի փոքրիկ վիպակ ուներ գրած, որը նախքան բանակ զորակոչվելն էր գրել, որոշել էր տպագրել այն, բայց այդպես էլ չհասցրեց: Մենք Տիգրանին խոստացել ենք, որ իր ոչ մի երազանք ու նպատակ անկատար չենք թողնելու»,- ընդգծեց Աննան: Ինչպես նշում է զինվորի քույրը, Տիգրանը հոգատար էր, խելացի ու չափազանց հայրենասեր: Նա երբեք չի բողոքել իր ծառայությունից. «Վերջին անգամ մենք իր հետ զրուցել ենք հոկտեմբերի 13-ին, ու այդ օրը մեզ ասաց՝ առյուծ տղերք ենք, չվախենա‘ք: Այդ զրույցից հետո երկու օր տեղեկություն չունեինք Տիգրանից: Հետո մեզ ասացին, որ Տիգրանը վիրավ որվել է, բայց ինքն արդեն անմա հացել էր, պարզապես, մեզ էին խնայել: Ամսի 16-ին մենք արդեն իմացանք, որ Տիգրանը բեկորային վնա սվածք էր ստացել ու զո հվել» ,- պարզաբանեց նա: