12 გარდაცვლილი, 37 დაშავებული და 24 დაკარგული - სტიქია თბილისში

თბილისში ამ დრომდე სტიქიის შედეგებს ებრძვიან. მაშველები მდინარე ვერეს ხეობაში მუშაობას განაგრძობენ. წყლის დონის დაწევის შემდეგ, კალაპოტში კიდევ რამდენიმე ავტომობილი გამოჩნდა. 12 გარდაცვლილი, 37 დაშავებული და 24 უგზოუკვლოდ დაკარგული, - ასეთია ოფიციალური მონაცემი ამ დროისთვის. უსახლკაროდ არის დარჩენილი 45 ოჯახი. თბილისის მერიამ ისინი დროებითი თავშესაფრით უკვე უზრუნველყო. წინასწარი ინფორმაციით, ზარალი 40 მილიონ ლარს აღწევს. თითქმის სრულად არის განადგურებული თბილისის ზოოპარკი. ცხოველების ნაწილი დაიხრჩო, ნაწილი გაიქცა, რამდენიმე მტაცებელი სპეციალური ღონისძიებების შედეგად მოკლეს. მთავრობის გადაწყვეტილებით, 15 ივნისი საქართველოში გლოვის დღედ გამოცხადდა. სტიქიის ზონის კრიტიკულ რაიონებში „მოამბის“ გადამღები ჯგუფები უკვე თითქმის 24 საათია მუშაობენ. გთავაზობთ სტიქიის შედეგების ამსახველი ვიდეომასალის ნაწილს.