იესოს დატირება

წითელ პარასკევს ტაძრებში გარდამოხსნა შესრულდა. სამების საკათედრო ტაძარში გარდამოხსნის წესი კათოლიკოს პატრიარქმა და სასულიერო პირებმა შეასრულეს. საკურთხევლიდან გამობრძანების შემდეგ გარდამოხსნას სპეციალურ სადგამზე აბრძანებენ. იქამდე კი კითხულობენ სპეციალურ ლოცვებს, ასევე წმინდა სახარებიდან ადგილს, რომელიც უფლის ჯვარცმას და უფლის ჯვარზე გაკვრას ასახავს. გარდამოხსნის დაბრძანების შემდეგ, სასულიერო პირები მეტანიას ასრულებენ. მსახურების დასასრულს იკითხება ღვთისმშობლის დატირება და იესოს ლოცვა "ნუ მტირ მე დედაო", მგალობლები ასრულებენ დავით გურამიშვილის ლექსზე შექმნილ იესოს საგალობელს. გარდამოხსნა, ტაძრის შუაგულში, სამი დღის განმავლობაში რჩება როგორც სიმბოლო იმისა, რომ მაცხოვარი აღდგომამდე სწორედ სამი დღე იყო საფლავში.