Aşıq Ələsgərin 150 illiyi, Göyçədə, 1972-ci il

1972-ci ildə Heydər Əliyevin qeyri-adi təşkilatçılıq bacarığı və həm də böyük siyasi nüfuzu sayəsində Göyçədə, Bakıda və Kremlin Qurultaylar Sarayında Aşıq Ələsgərin 150 illik yubiley tədbiri ən yüksək səviyyədə keçirildi. Aşıq Ələsgərin doğma kəndi Ağkilsədə əzəmətli qəbirüstü abidəsi ucaldıldı. Bu, həmin dövrdə görünməmiş hadisə idi. Vətəni Göyçə mahalı sovet dövründə Ermənistan SSR-in tərkibinə daxil edilən Aşıq Ələsgərin belə bir yubileyinin keçirilməsində məqsəd böyük el sənətkarını Azərbaycan xalqına qaytarmaqla yanaşı, həm də tarixən Azərbaycanın real sərhədlərinin necə olduğu, ulu ata-babalarımızın bu yerlərdə əzəldən yaşadıqları fikrini yeni nəslə çatdırmaq idi.