Başlıbel

Kəlbəcər rayonu Başlıbel kəndinin yerli sakinləri erməni əsgərləri kəndi işğal etdikdən sonra 133 gün kənddə mühasirədə qalmış və daha sonra dağlarda yaşamağın mümkün olmamasını görüb doğma yurdlarından çıxmaq məcburiyyətində qalmışlar. Cəbhə xəttini çətinliklə yararaq işğal altında olmayan torpaqlarımıza gəlməyə nail olsalar da itgilər az deyil. Hətta 1 nəfər Ələsgər adlı kənd sakini həmyerlilərinin təkidinə baxmayaraq torpağını tərk etməmiş və kənddə də qalmışdır. Bunlarla yanaşı kənddə mühasirə zamanı da qalanlar olub və onları erməni qaniçənləri diri-diri yandırmışdır. Bəzilərini isə elə evindəcə güllələmişlər.