Ўзбекистон: Ҳукуматдагилар Ортиқхўжаев номидан қўрқадими?- BBC Uzbek

Ўзбекистон ҳукумати матбуот эркинлиги борасида ортга қадам қўймаслигини айтмоқда. Инвестициялар ва ташқи савдо вазирининг биринчи ўринбосари Лазиз Қудратов Би-би-сига буни яна бир бор таъкидлади. Лондонда ўтган Uzinvest Forum анжумани чоғида гапирган Қудратов ҳукуматнинг бу борадаги мавқейи "Президент томонидан аниқ-таниқ ифодаланганини айтди, аммо Тошкент шаҳар ҳокими ва сенатор Жаҳонгир Ортиқхўжаевнинг журналистларга таҳдидини шахсан қоралашдан бош тортди. Ўзбекистон Сенати раиси Танзила Норбоева ва Қонунчилик палатаси инсон ҳуқуқлари бўйича вакили - Омбудсман эса Би-би-сининг бу ҳақдаги сўровини жавобсиз қолдирди. Мирзиёев зўравон ҳокимларни қоралаган ва журналистларни ҳимоя қилган, аммо Ортиқхўжаевни тилга олмаган.