Bakı-Astara dəmir yolunun Lənkəran-Astara hissəsi köçürülə bilər.

Bakı-Astara dəmir yolunun Lənkəran-Astara hissəsi yaxın gələcəkdə köçürülə bilər. Köçürülmə bölgədə turizmin, xüsusilə də çimərlik turizminin inkişafına zəmin yaradacaq. Pərvanə Əliyeva -müxbir:“ Dəmir yolunun Lənkəran-Astara hissəsinin Xəzərin sahilində yerləşməsi dənizə rahat çıxışı bağlayır. Eyni zamanda qabarmalar dövründə dəmiryolunun təməlində ciddi təhlükə yaranır. Buna görə dəmir yol xəttinin digər bir əraziyə köçürülməsi nəzərdə tutlub.” Bakı-Astara dəmir yolunun Lənkəran-Astara hissəsi dənizə birbaşa çıxışı əngəlləməklə yanaşı, turizmin inkişafına da mane olur. İsmayıl Kahraman - Turizm obyektinin rəhbəri:“Dəmir yollarının dəniz sahilindən qaldırılması əlbəttə bizim üçün çox sevindirici xəbərdir. Biz bunu 4 gözlə gözləyirdik . Bu çeşidli maneələr yaradır qonaqlarımıza.Uşaqlar, xəstələr yaşlılar üçün də çətinlik yarada bilir. Pərvanə Əliyeva -müxbir:“ Dəniz sahilində yerləşən turizm obyektləri üçün dəmir yolu xüsusi təhlükə və çətinliklər yaradır. Buraya gələn turistlər bu cür hazırlanmış köpülər vasitəsilə dəniz sahilinə çıxmağa məcbur olurlar.” Qənbər Abbasov –otel adminstratoru: “Çıxış dəniz tərəfə təhlükəlidir.Dəmir yolunun köçürülməsi buradan çimərlikdə təhlükəsizliyi daha çox təmin edər. Gələnlərin sayını da artırar.” İsmayıl Kahraman - Turizm obyektinin rəhbəri:“Qatarların gurultusu, ətrafa gələn qonaqlara narahatlıq verir. Çünki qatar gecə 3-də burdan keçir, səhərə yaxın da keçir. Dənizə rahat çıxış bölgənin və çimərliklərin gözəlliyi baxımından çox faydalı olacaq” Çimərlik turizminin inkişafına dair 2017–2020-ci illər üçün Tədbirlər Planında cənub bölgəsində - Lənkəranda iki özəl və bir ictimai, Astarada isə bir özəl və bir ictimai çimərliyin yaradılması nəzərdə tutulub. Ekspertlər hesab edir ki, dəmiryolunun dəniz sahilindən köçürülməsi cənub bölgəsində turizm sektoruna sərmayələrin qoyulması, turizm infrasrtukturunun daha da genişlənməsinə böyük imkanlar açacaq. Natiq Mirzəyev -iqtisadçı ekspert:“ Dəmir yolunun nisbətən tez bir müddətdə köçürülməsi burada turizm obyektlərinin sayca yüksək olmasına gətirib çıxarar və turizmin inkişafına sağlam rəqabət mühitində öz töhfəsini verəcək. Azərbaycan Dəmir Yolları Qapalı Səhmdar Cəmiyyəti ilə İqtisadiyyat Nazirliyi artıq Bakı-Astara dəmir yolunun Lənkəran və Astaradan keçən hissəsinin köçürülməsi üzrə hazırlıq işlərinə başlayıb.