AŞPA-da İlham Əliyevə verilən suallara onun cəsarətli və sərt cavabları

http://budrooo.com https://www.facebook.com/budrooo Rəsmi çıxışdan sonra suallara cavab verən Prezident İlham Əliyev "Leyla Yunusla niyə kobud rəftar olunub" sualına belə cavab verib : "Məlumat yalandır, tam əksinə, Leyla Yunus polislə kobud rəftar edib, araşdırmalara imkan verməyib, istintaqdan qaçmaq istəyib." Prezident İlham Əliyevin çıxışı bir sıra QHT təmsilçiləri və NİDA hərəkatının üzvləri AŞPA-nın qonaqlar üçün olan sektorunda səssiz aksiya keçiriblər. Avropada yaşayan bir qrup azərbaycanlı İlham Əliyev çıxiş etməyə başladıqdan dərhal sonra "Siyasi məhbuslara azadlıq" şüarı yazılmış uzun plakat qaldirıblar. Aksiyaçılar üzərində siyasi məhbuslarin şəkilləri olan köynəklər geyinib, ağızlarını qara lentlə bağlayıblar. İrlandiya nümayəndə heyətinin üzvü, Azərbaycanda siyasi məhbuslar məsələsini yenidən AŞPA-nın gündəminə gətirməyə çalışan Maykl Maknamara ötən ilki prezident seçkilərindən sonra Azərbaycanda "siyasi motivli həbslər aparıldığı" barədə danışıb, siyasi məhbusları azad etməyə çağırıb. Prezident İ.Əliyev Maknamaraya sərt cavab verərək bildirib ki, Azərbaycanda siyasi məhbuslar yoxdur. Azərbaycan prezidenti Kristofer Ştrasserin yalan məlumatlar əsasında siyasi məhbus məruzəsi hazırlayıb AŞPA-nın qış sessiyasında təqdim etdiyini, lakin bu səylərin iflasa uğradığını bildirib. İngiltərə parlamentarisi Pol Flin Azərbaycanda insan haqlarının vəziyəti ilə bağlı sual verərək ölkədə blogger və jurnalistlərin haqsız yerə həbsdə saxlanıldığını bildirib. Eyni zamanda hakimiyyəti seçkiləri saxtalaşdırmaqda ittiham edib. Prezident İlham Əliyev isə onu yalan danışmaqda günahlandırıb: "Siz yalan danışırsınız və biz bunu sübut edəcəyik. Seçkiləri 200-ə qədər beynəlxalq müşahidəçilər izləyib. Hər biri rəsmi nəticəni dəstəkləyib. Bilmirəm, siz nəyə görə yalan danışırsız. Ola bilsin sizin ölkədə seçkilər bu şəkildə keçirilir. Jurnalistlərin həbsinə gəlincə, bu barədə dedikləriniz qərəzlidir. Onlar diffamasiyaya görə həbs olunmayıblar".