Қуёшнинг ўрнини босолмайди ой Яна дарё бўлиб оқолмайди сой, Қалби қашшоқ одам бўлолмайди бой Кўнгли тўқ бир банданг қилгин Аллоҳим! Во ажаб, юз марта урганда юрак Юз марта ўзгарар қалбдаги тилак, Кўнглимда жаннатнинг дардидан бўлак Ғами йўқ бир банданг бўлай Аллоҳим! Бошидан оёғи рахматга чўмган Юзидан иймоннинг нурлари томган, Юраги исломнинг ғамида ёнган Қалби чўғ бир банданг бўлай Аллоҳим!