“Моссад” паси пардаи ҳамлаи Сидней;

оё ҷангафрӯзии бештар дар роҳ аст?
Абдулборӣ Атвон бар ин бовар аст, ки ҳамла ба яҳудиён дар Сидней эҳтимолан аз ҷониби Моссад анҷом шудааст ва ҳадаф аз он эҳёи раванди “мубориза бо яҳудиситезӣ” ва пешбурди ҷангафрӯзии режими саҳюнистӣ дар ҷаҳон мебошад.
Ба гузориши ТоҷикПресс, Абдулборӣ Атвон, таҳлилгари масоили стратегии минтақа, дар мақолае дар нашрияи “Раъй ал-Явм” ба баррасии паҳлӯҳои ҳамла ба яҳудиён дар шаҳри Сидней дар Австралия пардохта, менависад, ки ҳамлаи хунине, ки дар маҳалли ҳузури беш аз ду ҳазор нафар дар маросими ҷашни яҳудии Ҳанука анҷом шуд ва ба кушта шудани 12 нафар ва захмӣ гардидани чанде дигар анҷомид, мумкин аст иқдоме барномарезишуда аз ҷониби режими саҳюнистӣ барои пешбурди як стратегияи нав бо ҳадафи тақвияти симои “қурбонӣ” барои ин режим ва эҳёи равиши “мубориза бо яҳудиситезӣ” дар ҷаҳон бошад, равише, ки ба сабаби наслкушӣ дар Навори Ғазза комилан аз байн рафтааст.
Вай меафзояд, ки бузургтарин мухолифи раванди яҳудиситезӣ худи ҷунбиши саҳюнизм аст ва Бенямин Нетаняҳу, нахуствазири режими саҳюнистӣ, барҷастатарин намунаи он мебошад, ки дастҳояш ба хуни беш аз 70 ҳазор ғайринизомии фаластинӣ, аз ҷумла 40 ҳазор кӯдак, олуда аст ва пас аз тахриби беш аз 95 дарсади хонаҳои онҳо, дуним миллион фаластиниро овора кардааст ва бо қатъи кӯмакҳо бисёре аз онҳоро то ҳадди марг гурусна нигоҳ дошта, марказҳои тақсими ғизоро ба камингӯҳои қатли онҳо табдил додааст.
Нетаняҳу замоне нақши эҳтимолии машкуки худро дар ин ҳамла фош кард, ки нахуствазири Австралия ва давлати ӯро ба доман задани яҳудиситезӣ ва пешбурди раванди ба расмият шинохтани кишвари Фаластин ва ҳимояти роҳи ҳалли ду давлат муттаҳам карда, онҳоро масъули ин ҳамла донист. Ӯ фаромӯш кардааст, ки артиши ӯ дар камтар аз 5 дақиқа беш аз 500 бемор, захмӣ, пизишк, ширхор ва навзоди нотамомро дар бемористони “Ал-Маъмадонӣ” дар Навори Ғазза куштааст ва дар мавридҳои дигар низ беш аз 5000 лубнониро дар чанд дақиқа дар ҷинояти “пейҷерҳо” ё ҳамла ба Зоҳия https://tajikpress.com/2025/12/15/%d0%bc%d0%be%d1%81%d1%81%d0%b0%d0%b4-%d0%bf%d0%b0%d1%81%d0%b8-%d0%bf%d0%b0%d1%80%d0%b4%d0%b0%d0%b8-%d2%b3%d0%b0%d0%bc%d0%bb%d0%b0%d0%b8-%d1%81%d0%b8%d0%b4%d0%bd%d0%b5%d0%b9-%d0%be/