Зарина Низомитдинова бизнесменга турмушга чиқиши ҳақида хабар берилди

Актриса Зарина Низомитдинова январь ойи охирида турмушга чиқади. Бу ҳақда Shov-shuv.uz сайти хабар бермоқда.
Хабар беришларича, Зарина Низомитдинова исми ошкор этилмаган бизнесменга турмушга чиқмоқда. “Ўзбек киносининг энг гўзал актрисаси энг гўзал келинлик либоси танламоқда”, – дейилади интернет-нашр хабарида.
Shov-shuv.uz’нинг қайд этишича, Зарина Низомитдинованинг биринчи турмушидан битта ўғли бор. Аввалроқ, Зарина Низомитдинова уйланмаган йигитга турмушга чиқмаслигини маълум қилганди.
«Сабаби, уйланмаган йигитнинг дунёқараши, ҳаётга бўлган муносабати, уйланганларники кескин фарқ қилади. Қолаверса, бугунги эмас, эртанги ҳаётим ҳақида қайғураман. Уйланмаган йигит билан оила қурсам, унинг феъл-атворига чидаб яшашимга тўғри келади. Шу боис ҳаётга жиддий кўз билан қарайдиган, санъатимни тушунадиган инсон бўлса дейман», – деганди Зарина Низомитдинова.
Muloqot тармоғи томонидан ташкил этилган онлайн-савол жавоб давомида «Яна турмушга чиқишни таклиф қилишса, рози бўлармидингиз?» қабилидаги саволга: «Албатта, турмушга чиқаман. Актриса ҳам аёл», – деб жавоб берган.
2013 йил июлида Зарина Низомитдинова Ўзбекистонда энг кўп гонорар оладиган актрисалардан бири сифатида эътироф этилганди.