ქუთაისს

რა ლამაზი ხარ, თვალს ვერ გაცილებ
შენ დავიწყება არ გიწერია,
,,წმინდა გიორგი", ,, ბაგრატი", ,,თეკლა"
,,მწვანე ყვავილა" თავს დაგცქერიან.
ქუთაისური დარდი-მანდული
,,პიკასოს ბიჭი" ხიდზე შემდგარი,
,,ბაღის კიდეზე" თქმული ამბავი
წარმატებები ახლად შემდგარი.
ვერ დაივიწყებს სადღეგრძელოებს
სუფრას რომ ამკობს - იუმორია,
ქუთაისურად ვინც მოილხინა
მას დავიწყება არ უწერია.
რა დაავიწყებს შემწვარ წიწილას,
იმერულ ყველით სავსე ხაჭაპურს,
ვინაც კი ერთხელ, თუნდაც რომ ერთხელ
ამ თეთრ ქვებზედა თუ მოულხინა.
ქუთაისური ქაბაბით ყველას
უმასპინძლდება ,,ბიკენტიაო"
მხატვრებს და მწერლებს აქ თავს მოუყრის
ქუთაისური გალერეაო...
მობრძანდით გელით, გაშლილი ხელით
სტუმრის მიღება ჩვენი წესია,
გულს სიამოვნებს ამაყად თქმული:
მასპინძელი დღეს - ქ უ თ ა ი ს ი ა!
დალი დადუნაშვილი 2015წ 03.11 00:07