Безнең белән бергә бул!

Әти иҗатының давамчысы булуыма шатланам. Әлбәттә, эстрада өлкәсендә дә үсеш аласы килә. Әмма әти иҗатка бик таләпчән, катгый карый. Аның җырын яңартканда да диктофонга яздырып, тыңларга җибәрдем. Үз киңәшләрен бирде, “велосипед уйлап тапмаска” кушты, шуңа үземнән нәрсәдер өстәргә кыюлыгым җитми. Әтинең бар җырларын яңартып, бер альбом яздырырга уйлаган идем. Әлегә өлгерә генә алмыйм. Тулырак: https://shahrikazan.ru/news/shou-biznes/kuzlare-kurmasa-da-iat-ita-danif-sarafetdinov-bugen-nicek-iasi

Социаль челтәрләрдә очраклы гына бер видеога тап булдым: яшь кенә егет урамда мохтаҗларга сәдака тарата. Кадрлардагы ихласлык, кешеләрнең рәхмәт тулы карашлары, әлбәттә, игътибарымны җәлеп итте. Бу игелекле эшнең артында кем торуын беләсем килеп, әлеге егет белән элемтәгә чыктык. Ул – Буа егете Ринат Ибраһимов булып чыкты.  Тулырак: https://shahrikazan.ru/news/amgyiat/igelek-kylu-ocen-bailyk-kirakmi-niiat-ham-acyk-iorak-ita

Кызыбыз бер-ике ай эчендә кияүгә чыкты. Каршы килмәдек инде, никах укытып бирдек. Ике-өч ай үтүгә, кыз кияүдән зарлана башлады. Гел бер сәбәп табып бәйләнә, ди. Өйдә гел тавыш икән. Килешә алмыйлар никтер. Кызның хәзер аерылып кайтасы килә. Әтисе, минем кадерле кызым ул, аны кемдер рәнҗетсен өчен үстермәдем, кайтсын, ди. Әллә кияү белән башта ныклап сөйләшеп карарга микән? Мин, түзсен, дим. Кем белә, тора-бара килешеп тә китәрләр, без синең белән аз талаштыкмы, кул күтәргәннәреңне, алып барып куям кире дигәннәреңне оныттыңмы әллә, дим. Яклаучылары бар икәнен белеп торсыннар, ди. Үзем дә кызганам, билгеле.Анонимно

Наил минем тормышыма җитди үзгәрешләр кичергәндә килеп керде. Казаннан Мәскәүгә күченгән чагым, анда үз продюссерым бар, яңа проектка алындык, көннәр буе яңа җырлар өстендә эшлибез, планнарым да зурдан – рус эстрадасында таныласым килә. Сентябрь ае бу, Наил кайтып төште. Мин аны каршы алдым, бик матур күрештек. Утырып сөйләштек, ул хисләр, эмоцияләр... Бер-беребезгә бик якын икәнлегебезне тагын бер кат аңладым. Эшем Мәскәүдә булгач, гел ике арада йөрелде, йә мин кайтам, йә ул килеп җитә дигәндәй. Аның Казанда документ эшен җайлап бетерәсе бар иде. Октябрь ае да шулай үтте безнең. Мәскәүдә яшәлгән көннәрем, Наилгә шалтыратам, телефонын алмый. Аптырадым. Тулырак: https://shahrikazan.ru/news/shou-biznes/rimma-nikitina-tanyskac-ta-uze-sizdermasa-da-aiaksyz-ikanlegen-beldem

Ләйлә Вәлиуллина❤️

Ирем белән шундый матур гына яшәп ята идек. Мәхәббәт җимешебез – улыбызны үстерә идек. Көтмәгәндә, уйламаганда безне үз әнием аерды да куйды. Көтмәгәндә дип инде, әни иремне беркайчан да яратмады. Аның турында гел начар сүзләр әйтә иде. Имеш, ул салырга ярата, акчаны аз эшли, мине дә, баланы да яратмый. Бу – нахак сүзләр, ирем бик әйбәт, без бер-беребезне үлеп яратабыз. Тормышыма кысылуы өчен әнине ачулана идем. Әле бервакыт әни ирем белән аерылышырга киңәш бирде. Чөнки үзе дә кайчандыр әтине ташлап, башка кешегә кияүгә чыкты. 20 ел инде үги әти белән яшәп яталар. Менә шуңа күрә мине дә үзе артыннан барырга үгетләде ул. “Минем сүзне тыңла, бәхетле булырсың”, - дия иде. Кайвакыт улымны ялларда әнигә илтәм. Шулай берсендә улымны алырга барсам, өйдә кунаклар бар. Әнинең иптәш кызы белән улы килгән, шәраб эчеп утыралар. Улы болай чибәр, акыллы егеткә охшаган. Мине дә үзләре белән утырырга кыстый башладылар. Башта каршы килгән идем, әни кунып калырга тәкъдим иткәч ризалаштым. Иремә шалтыратып әйтеп куйдым, ул да әнидә калырга рөхсәт бирде. Шәраб эчкәннән соң бүлмәгә кереп яттым. Шул яткан җирдән йокыга киткәнмен. Иртән уянсам, янымда теге егет ята. Тиз генә торып җыендым да, баланы алып өйгә кайтып киттем. Бусагадан атлап керүгә, ирем аерылышырга теләвен белдерде. Баксаң, әни аңа барысын да җиткергән. Димәк, әни боларны безне аерыр өчен махсус эшләгән. Ирем мине тыңларга да теләмәде, нәтиҗәдә без аерылыштык. Аннан соң гына белдем: теге егет белән безнең арада берни дә булмаган, әни аны махсус минем янга яткырган. Иремә аңлатып карадым, барыбер ышанмады. Хәзер без аерым яшибез. Әни белән дә аралашмыйм, бик үпкәләдем аңа. Күңелем рәнҗеде. Иремне яратам, аны кайтарырга телим. Миңа нишләргә?

Күптән түгел газиз әнием вафат булып, бакыйлыкка күчте. Намазлардан соң, бигрәк тә төнге ястү намазыннан соң аның рухына дога кылырга тырышам. Ләкин белеп бетермәгәнгәме, тел байлыгы булмагангамы, “гөнаһларын ярлыкап, яхшы гамәлләрен, изгелекләрен кабул итсәң иде” дигән теләгемне әйткәннән соң, тагын ниләр сорыйм икән дип аптырап калам. Үлгәннәр өчен дога кылганда нәрсә теләргә мөмкин? Айдар. “Бисмилләһиррахмәәниррахиим. Вафат булып ахирәт тормышына күчкән якыннарыбыз чыннан да догага бик мохтаҗ. Бигрәк тә варислары – балалары, оныклары кылган дога аеруча үтемле, файдалы була. Моның турында хәдисләрдә хәбәр ителә. Сорауда билгеләп үтелгән теләкләр, ягъни мәрхүмнәрнең гөнаһлары ярлыкануын һәм яхшы, изге гамәлләре, гыйбадәтләре кабул ителүен сорау бик мөһим, олы теләкләрдән санала, чөнки Аллаһ Раббыбыз мондый доганы кабул итсә, бакыйлыкка күчкән кешенең ахыргы урыны җәннәт булачагына ышаныч арта (әлбәттә, ул иманлы хәлдә ахирәткә күчкән булса). “Вафат булганнар өчен тагын нәрсә теләргә мөмкин соң?” – дигән сорауга килгәндә, мисалга шундый теләкләрне китерергә була: - Йә Аллаһ! Вафат булган газиз әнием (әтием, бабам, әбием) фәлән кызы (улы) фәләннең рухын тыныч кылсаң иде... - Йә Аллаһ! Минем газиз әнием фәлән кызы фәләнгә карата мәрхәмәтле булсаң иде… - Йә Раббым Аллаһ! Фәлән кызы (улы) фәләнне кабер фетнәсеннән имин кылып, кабер сынавын җиңел үтүен насыйп итсәң иде... - Кыямәттә кубарылганда ихлас иманлы мөселманнар һәм пәйгамбәребез Мөхәммәд салләллаһү гәләйһи үә сәлләм һәм аның сахәбәләре янында булуын рөхсәт итсәң иде, йә Раббым бер Аллаһ... - Йә Раббым бер Аллаһ! Кыямәт көнендә газиз әнкәемнең пәйгамбәребез Мөхәммәд салләллаһү гәләйһи үә сәлләм шәфәгатенә лаек булуын насыйп кыл... - Пәйгамбәребез Мөхәммәд салләллаһү гәләйһи үә сәлләмгә бирелгән Кәүсәр чишмәсеннән агып килә торган сулыктан аңа да су эчүне насыйп ит… - Ий Раббым бер Аллаһ! Кыямәт көнне хисап-сорау алынганда әниемнең җиңел хисап кылынуын насыйп вә мияссәр кылсаң иде... - Йә бердәнбер илаһым, олуг кодрәтле Раббым! Минем әнием фәлән кызы фәләннең гөнаһларын ярлыкап, кылган изге гамәлләрен, гыйбадәтләрен кабул итеп, әҗер-савапларын арттырып, Җәннәт бакчаларына кертсәң иде!.. - Ий бердәнбер Раббым... Газиз әниемә дә, үземә дә Җәннәттә Аллаһның йөзенә карау нигъмәтенә ирешергә насыйп итсәң иде... Раббәнәгъфирлии үә лии үәлидәййә йәүмә йәкүмүл хисәб. Раббәнә әәтинәә фиддүнья хәсәнәтәү үә фил әәхыйрати хәсәнәтәү үә кыйнәә газәәбәннәәр. Бирахмәтикә йә әрхәмәррахимиин... Әәмиин. Ришат хәзрәт Курамшин әзерләде

Шәп бит🔥

Ничек сезгә?