Eşitsən ki, bu dünyadan köçmüşəm,

Yaddan ötrü ağlamazsan, eləmi?
Səni sevən o nakamın eşqinə,
Qara yaylıq bağlamazsan, eləmi?...
***
Girmərəm yuxuna, düşmərəm yada,
Yaranmasın aralıqda səs, səda,
Son mənzildə hətta deyib əlvida,
Məzarımı yoxlamazsan, eləmi?...
***
Laqeydsən yazmağa əlim gəlməyir,
Vəfasız deməyə dilim gəlməyir,
Çoxdan can üstəyəm, ölüm gəlməyir,
Ölsəm, yasım saxlamazsan, eləmi???
Bəhmanoğlu
Kaluqa
28/01/2025