Mehmon bo'ldi tushimda onam
Ko'zlarida tashvish iztirob,
Hayolida ming bir savollar
Yuzlarida ming bitta azob
Boshim uzra bo'lib ovora
Ming dard bo'lib farovush
Atrofimda bo'lib parvona
Savol bilan boqadi homush
Oh sochlari hiyol to'zg'igan
Qadoq qo'llar boshim silaydi
Ko'zlarimga tik boqib zimdan
Savoliga javob so'raydi
Eshitilar yurak urishi
So'zlarida mungli hayajon
O'glim gapir bu qandoq xolat
Nima bo'ldi senga bolajon
Aytgin bolam gunohing nima
To'rt devorga mahkumsan nechun
Bu qandayin temir panjara
Temir eshik nahot sen uchun
Aytgin o'g'lim yashirma mendan
Nahot qo'ling qonga botgandir
Kutmagandim yomonlik sendan
O'g'rilikka ko'ngling yotgandur
yo kimningdur to