Руслан Ермолинский

Абруйлы исем алуы белән котлыйбыз

Бөтендөнья татар конгрессы оештыруында 17-19 май көннәрендә Казан шәһәрендә XIV Бөтенроссия татар дин әһелләре форумы узды. Анда дин өлкәсенә кагылышлы мөһим сораулар һәм мәсьәләләр буенча фикер алышу өчен Россиянең 77 төбәгеннән меңнән артык дин әһеле җыелды. Алар арасында Төмән өлкәсеннән 35 делегат катнашты. 17 май көнне «Kazan Expo» халыкара күргәзмәләр үзәгендә делегатлар «Russia Halal Exро 2024» күргәзмәсе белән таныштылар. Икенче көнне Татарстан Рәисе Рөстәм Миңнеханов катнашында пленар утырыш узды, аннары делегатлар төркемнәргә бүленеп, өч фикер алышу мәйданчыгында эшләделәр. «Казан» агросәнәгать паркында Россиянең 20 төбәгеннән хәләл ризык җитештерү