Галина Архипова

Кугече Кугарня кечыште пелештыме мут.

Тений, Кугече Кугарня толеш 22 апрель тылзыште!      А, йӧратен лийын шого, Кугече Кугу Юмо, порсын лӱҥгалтышет дене, илышым ылыжтыме кечет дене, Кугече Кугу Юмын Аваже, алал лийже. А, таче эрдене ешем дене яндар кап-кыл дене, яндар вургем дене, сурт еш кӧргем дене эр ӱжара нӧлталтме годым, ош солыкым налын, тичмаш кинде сукырет дене, тичмаш ӱян эгерчет дене, ӱян туарат дене вашлийын, пелештен шогышна.  Модын лекмет дене куандарен, илыш корнынам виктарен шогаш йодына марий калык лӱмеш, пошкудо лӱмеш. Еш сурт ӱмбачын йӧратен лийже Кугече Кугу Юмо! Сурт, пӧрт кӧргыш пурен, ош ӱстембал шовычетым шаралтен, тичмаш шорват дене, тичмаш ташлама коркат дене, тич