Левая колонка

НА ГАН

Последний визит: 30 мая 2021

Фильтр

Заметки Увлечения

НА ГАН

26 мая 2021

ТӨРТ САПТАР

Ташкындаган көөдөндөгү көрөңгө,
Таазим этем талыкпаган калемге.
Тайманбастан акыйкатты, чындыкты,
Таамай жазып тартуулаган элине.

***

Соң күнүңбү а балким бул жомокто,
Сонун өткөр мезгилиңди жоготпо.
Жете албаган жердеги жок кыялга,
Жетеленип убактыңды коротпо.

***

Ар-бир кадам алаксытып торойбу?
Азгырылбай акын болуш оңойбу?
Бүчүрлөнүп бүрдөгүчө өнөрүң,
Бүт өмүрүң чыгармаңа коройбу?

***

Бир муштум эт жүрөгүңдүн көлөмү,
Кара басып чирибесин көгөрүп.
Мөөр баспасын жаратканым жүрөккө,
Акылыңа илип алгын өңөрүп.

***

Өмүр деген сааттын каккан жебеси,
Каккан сайын өмүр кетет эмеспи,
Ошондуктан толкун жирей сүзгүнүң,
Жашоо деңиз болсо, өмүр кемеси.

***

Күйүмдүүлүк кыз балаг

НА ГАН

19 мая 2021

ЭРГҮҮ

Пайда болуп жылуулугуң жибитти,
Паска түшкөн жан дүйнөмдү тирилтти.
Үн каткандай өңдүү мага шыбырап,
Түк ирмемге кагалбадым кирпикти.

Сергиткендей илебенде жел күүнү,
Сездим эле дүбүрөгөн эргүүнү.
Ак шам менен ала качып ойлорум,
Айрыкча мен жактырыпмын күүгүмдү.

Удургутуп канат жайып кыялап,
Учкан ойду учурбай ким тыя алат.
Жан дүйнөмдөн чыккан тунук эргүүнү,
Жазгым келди барагымды сыялап.

Автор: Каныбек Ырыскелдиев.
"Поэзия Ордосу көркөм адабий
коомдук бирикмесинин мүчөсү.

НА ГАН

19 мая 2021

КҮЛҮК ОЙЛОР

Адаштырып акылымды кечинде,
Ачылбаган сырларынын четинде.
Аалам турду көз алдыма тартылып,
Менменсинип мейкиндиктин чегинде.

Айдын нуру салааланып төгүлүп,
Асманда жык, жылдыз нурга чөмүлүп.
Бирде чумкуп, бирде жүзү көрүнүп,
Бара жатты ай булуттан бөлүнүп.

Ойлор учту кербен өңдүү чубуржуп,
Ойт бергендей бирин-бири кубушуп.
Тартуу кылган табышмактуу табият,
Сыйкыр менен тартып турду кубулуп.

Булут минип бурганактап чапканга.
Ултунгансыйм ойлор учуп асманга.
Уч кыйырсыз көктө учуп баратып,
Чачып салсам гана баарын шамалга.

Жугургөндө из артыңдан себелеп,
Журсөк чуркап асман басып тебелеп.
Бул дүйөнүн таштап акыр-чикирин,
Сүңгүп кирип кетким келди тереңдеп.

Автор:Каныбек Ырыск

НА ГАН

17 мая 2021

ДАРЫСЫН КИМДЕР ТАБАЛАТ?

Секетим сен деп суладым,
Сезимден тамчы кулады.
Сүзүлгөн сулуу керме каш,
Сүйөөрүм сени бул анык.

Жандап сөйөп турайын,
Жан биргем болчу жубайым,
Жакадан башым чыгарып,
Жеңимден колду сунайын.

Дубанадай сагаалап,
Дуушар болду махабат,
Ким эле сени багынтып,
Дидарыңа бата алат?.

Келе берет катмарлап,
Кат-каттап ойлор санаалап.
Түнөгүң ким жүрөктөн,
Түбөлүк орун табалат?.

Айгайлап сүйүү табалап,
Арманым ичте камалат.
Дарт жугуздум сүйүүдөн,
Дарысын кимдер табалат?.

Автор:Каныбек Ырыскелдиев.
"Поэзия Ордосу" көркөм адабий
коомдук бирикмесинин мүчөсү.

НА ГАН

16 мая 2021

КАРАГЕР ТУЛПАР

Тукуму асыл чарчоону билбейт,
Туурага чапсаң туйлап бий бийлейт.
Көздөгөн жерге шамалдай жетип,
Абада калкып туягы тийбейт.

Ойноктоп турат тизгинди тиштеп,
Кой берсең чуркап изине түшөт.
Жылтырап тери куюлуп жалы,
Кычырайт тиши арпаны күүшөп.

Саяпкер таптап чылбырга салып,
Карагер тулпар кыргыздын аты.
Имиштен уккам тулпардын күчүн,
Душманын жиреп суурулган баатыр.

Ат жакшысы баатырга себел,
Жоого чыкса душманга төбөл.
Кыядан, жардан, адырдан белден,
Кыргыздын аты чынында өжөр.

Автор: Каныбек Ырыскелдиев.
"Поэзия Ордосу" көркөм адабий
коомдук бирикмесинин мүчөсү.

НА ГАН

11 мая 2021

Тебелетпе арың менен намысыңды.
Тыңша туюп жүрөктөгү кагышыңды.
Дүрбөлөңгө кайдыгер карабагын,
Таскактаткын дүбүрөгөн дабышыңды.

Желкедеги башыңды жер каратпа,
Жеңилбейбиз жеңебиз шек жаратпа.
Анткени акыйкат бар, айкөлдүк бар,
Алла Таала биз менен, биз тарапта.

Найзага, кылычка, намыс байла,
Ата баба сүкүт салган илеб кайда.
Кан ичкичтин түбүн кыйып ырыстарын,
Титиреткин жандарын, тиреп жарга.

Бир ирмемге ишеничти жоготпогун,
Шектенген күмөн ойду жолотпогун.
Карыш жылба казыктай кагып койгон,
Каптаса да селдей агып, тоготпогун.

Жалындап от күйбөсүн чатырыңдан,
Манастын каны чуркайт тамырыңдан,
Тээ илгери душмандар даай албай,
Жеңилишкен эр жүрөк баатырыңдан.

Автор: Каныбек Ырыскелдиев.