Медведкова метросунун маңдайындагы светофордон өтүү үчүн жашыл белгисин күтүп туруп калдым. Мага катарлаш ар улуттан адамдар турган аралаш. Арасында эки Кыргыз келин да турат. Биринин бир көзү көгөргөн. Соккудан кийинки көтөргөн калдык экени көрүнүп турат. Муш тийген жер үч — төрт күндүк. Көздүн шишиги кайтып, бир аз канталаган жайы жана көгөргөн орду калган… Келин көпчүлүктөн көзүн жашырып колу менен жаап жатты. Демек ал мурда кийин сокку жеп, эти катып, уяты бүткөн келин эмес. Анткени, көп токмок жеп жүргөн адам акыры элден да жүзүн жашырбай да калат эмеспи… Жашы отуз ашкан куракта көрүнөт. Кийингени таза — селсаяк эмес. Орто баадагы жөнөкөй, тизе жа