Музафар Ибрагимович

ҒАРИБӢ....

☆☆☆☆☆
Ҳазину хору зорам, дар ғарибӣ,
Ҳақиру бемадорам, дар ғарибӣ.
Расон, ё Раб, маро бар манзили хеш,
Наояд, пеш корам, дар ғарибӣ.
Дар ин як гӯша дур аз ҷамъи хешон,
Ба ашки шашқаторам, дар ғарибӣ.
Ватанро ёд кардам, ёд кардам,
Ба мушкилҳо дучорам, дар ғарибӣ.
Тамоми рӯзи ман дар гиря бошад,
Мапурс, аз шоми торам, дар ғарибӣ.
Намепурсад, касе аз ҳоли зорам,
Ки дур аз кӯи ёрам, дар ғарибӣ.
Парешону фигору синарешам,
Харобу дилфигорам, дар ғарибӣ.