КЕЧИКДИНГ!

Менсиз яшаш бўлмапти осон,
Менсизликда билдим ичикдинг.
Соғингандим ...
Соғиниб ёмон,
Кутган эдим нечун кечикдинг?!
Борай десам менга айб эди,
Кел деб шивирлаган лаб эди,
Кеча келсанг бошқа гап эди,
Бугун келиб бир кун кечикдинг!
Жон сўрасанг бермасмидим жон,
Ҳижронимга беролмадинг ён,
Кечирмайман сени ҳеч қачон,
Кечиришим учун кечикдинг!
Дунёга сен учун келгандим,
Худо ҳаққи сени севгандим,
Зуҳросиз қолмагин дегандим,
Сен кеч қолдинг, нечун кечикдинг?!