Müəllif: Şölə Səfərəliyeva
Yollar
Bilirəm geriyə dönən deyilsən,
Getdiyin yollara baxıram niyə?
Sənli günlərimin xatirəsini,
Ağlayan gözümə sıxıram niyə?
Getdiyin yolları qınayıram mən,
Yollarda nə günah, günah məndədir,
Yollar ki, gedəni saxlaya bilməz,
Günah səni sevən ürəyimdədir.
Getdiyin yollara baxib deyirəm:
"Yollar səni məndən aldı apardı,
Bəlkə xəyallarım düşsə arxanca,
Bir gün bu yollarda səni tapardı".
Özümü qınadım, bir də yolları,
Nədənsə heç səni qınayammadım,
Tanıdım birbəbir dostu, yoldaşı,
Amma sevdiyimi tanıyammadım....