Левая колонка

Миргүл Бечелова

Последний визит: 28 апр 2019

Фильтр

Заметки Увлечения

Миргүл Бечелова

6 мар 2019

БАЛАНЫН ОЮ

Ыкшоолонуп, жылуу төшөк ичинен,
Тургум келбей жаттым көпкө шып карап.
Апам кирди сүт чакасын көтөрүп,
Эбак эле жарык болгон туш тарап...

Энелүү эки, аталуу алты тойду бол,
Тургун балам, айда уйларды жайытка.
Тарсылдатып жумушуңду аткарып,
Келип анан сабагыңды дайында...

Күрүлдөтүп сеператор иштеди,
Күүсүн бузбай колдор анда айланат.
Меш үстүндө чай, тамагы кайноодо,
Таң ырыскы бизде ушинтип башталат...

Миргүл Бечелова

6 мар 2019

Бешөөңөрдөн беш маал өмүр тиленип,
Келе жатам эт жүрөгүм эзилип.
Төрөт үйдөн эң биринчи мен көрүп,
Отурганып эске келет эмизип...

Ооруганда өткөн күндөр тасмадай,
Алда кайдан келет кайра эсиме.
Оорукана, балдарымды даарылап,
Жаш өмүрүм алпурушуп кетти эле.

Кирип келсе мектебинен ашыгып,
Ойлоп турам кайра окудум ар жылы.
Ар бир жылы тамга таанып силер деп,
Мектебимде көп жолу ордунда калдымбы?

Чоңойдуңар бой тирешип баарыңар,
Акыл менен аңдап азыр калдыңар.
Ишенемин ар бириңе көздөрүм,
Аман болсун асыл алтын башыңар.

Миргүл Бечелова

6 мар 2019

Сүрүлүп караңгылык асман көгөрүп,
Келатат, кыйчылдатып эшик ачылды.
Кыйкырып күүсүн жазбай кайненем кирди,
Буркан шаркан түшүп барып, анаан басылды.

Бектуруш агайымдын ыры эске түшүп,
Ким жаман сөз сүйлөйт деген ушундай таңда.
Дити даап айтчулар да бар экен бизде,
Кээ күнү силкип коёт келип калганда.

Таң атпай көңүл чөгүп үшкүрүк басып,
Чай демдеп жая салдым алдына шашып.
Керемет таңды чыгып жылмайып тостум,
Кайненем кетип барат буурадай басып.

Кайран жан, жүрөгүм ай бычак жебеген,
Кайыкпай, аттиң дебей муну да көрдү.
Он тогуз, нөл, нөл эки он тогуз экен,
Өзгөчө дата бүгүн оюмду бөлдү.

Баарыңарга кутман таң. Бүгүн өзгөчө дата! Жакшылыктар көп болсун деп жоруйлу

19.02.2019•

Миргүл Бечелова

6 мар 2019

Балдарым чоңоюшту, бапестеп багып,
Агында көздөрүнүн айланып жүрдүм.
Үйлөнгөн, багып тарап балдарын келет,
Эстөөгө мен кургурду бири жок чиркин.

Акыбал кандай ата апа дебестен,
Сүйлөсө салкын айтып, акча сураган.
Аларда маселе көп, мага кезек жок,
Өзүмдүн шактарыман өзүм уялам!

Келгенмин. Көчтү бузбай кете беремин,
Билемин. Үмүттүү көз өчө берээрин.
Балким мен таарынганым, бешенем чыгаар,
Сеземин мүмкүн бакыт жете келээрин.

Миргүл Бечелова

6 мар 2019

Колумдагы кармаган кадимки калем,
Жүрөгүмдүн кан өткөргөн тамыры белем.
Ыйласа ал кошо ыйлайт, күлсө жылмаят,
Бир жүрөктүн буйругун аткарат экен.

Толгономун, көп нерсе көңүлүмдө бар,
Жүрөгүмө баары сыйып бата бербеген.
Жаманынан адамдын кээде быркырап,
Ушул тартат азапты, эч ким сезбеген.

Алсырады, өз жумушун аткара албай,
Сырт дүйнөнүн кордугуна көнбөйт баштагы.
Калем жасап тамырынан, учун бүлөгөн,
Ак барака айтаарын төгүп таштады...

На этом пока всё

Войдите в ОК, чтобы посмотреть всю ленту